আজমেৰৰ নৱাজ হজৰত খোৱাজা মইনুদ্দিন চিষ্টীৰ দৰগাহত আৰম্ভ হৈছে ৮১৩ নং উৰ্ছ। প্ৰতি বছৰে ইয়াত প্ৰধানমন্ত্ৰী মোদীৰ হৈ চাদৰ আগবঢ়োৱা হয়। এইবাৰো অহা ৪ জানুৱাৰীত আজমেৰ শ্বৰীফ দৰগাহৰ সমাধিস্থলত প্ৰধানমন্ত্ৰী মোদীৰ নামত চাদৰ আগবঢ়োৱা হ’ব।
কেন্দ্ৰীয় সংখ্যালঘু পৰিক্ৰমা মন্ত্ৰী তথা সংসদীয় পৰিক্ৰমা মন্ত্ৰী কিৰেন ৰিজিজুৱে অহা ৪ জানুৱাৰীত আজমেৰ ভ্ৰমণ কৰিব, য’ত তেওঁ খাৱাজা গৰিব নৱাজৰ উৰ্ছ উপলক্ষে প্ৰধানমন্ত্ৰী মোদীৰ হৈ চাদৰ আগবঢ়াব। প্ৰধানমন্ত্ৰী মোদীৰ ফালৰ পৰা আগবঢ়োৱা চাদৰখনক লৈ ঠাট্টা-মস্কৰা কৰা দেখা গৈছে বহুতো বিৰোধী দলক।
দিল্লীৰ স্বাস্থ্যমন্ত্ৰী সৌৰভ ভৰদ্বাজে প্ৰধানমন্ত্ৰী মোদীয়ে চাদৰ আগবঢ়োৱাক লৈ উৰহাস কৰি এতিয়া বিজেপি সলনি হৈছে নেকি বুলি প্ৰশ্ন কৰিছে? লগতে তেওঁ উল্লেখ কৰে যে, মোদীয়ে পূৰ্বতে দিল্লীত ইমামসকলৰ দৰমহা দাবী কৰিছিল, এতিয়া দৰগাহত চাদৰ আগবঢ়াইছে।
ইফালে আজমেৰ দৰগাহৰ মুৰব্বী নাছিৰুদ্দিন চিষ্টীয়েও প্ৰতিক্ৰিয়া প্ৰকাশ কৰিছে। তেওঁ কয় যে, তেওঁলোকে প্ৰধানমন্ত্ৰীৰ এই বিশেষ চাদৰক আদৰণি জনাইছে। দেশৰ পৰম্পৰা যে, ১৯৪৭ চনৰ পৰা যিয়েই প্ৰধানমন্ত্ৰী নহওক, তেওঁ আকিদাত বুলি খোৱাজা গৰিব নৱাজৰ আদালতলৈ প্ৰেৰণ কৰিছে চাদৰ। প্ৰধানমন্ত্ৰী মোদীয়েও ২০১৪ চনৰ পৰা এই পৰম্পৰা মানি চলিছে। ইয়াৰ সমান্তৰালকৈ নৰেন্দ্ৰ মোদীয়েও আমাৰ দেশৰ সংস্কৃতি আৰু সভ্যতা বজাই ৰাখিছে।
আজমেৰ শ্বৰীফ দৰগাহ ভাৰতৰ অন্যতম বিখ্যাত চুফী দৰগাহ। খোৱাজা মইনুদ্দিন চিষ্টিৰ উৰ্ছ অৰ্থাৎ তেওঁৰ নিৰ্বাণ দিৱস পালন কৰা হয়। এইবাৰ ২৮ ডিচেম্বৰৰ পৰা আৰম্ভ হৈছে ৮১৩ সংখ্যক উৰ্ছ, যিখন দেশৰ লগতে বিদেশৰ বিভিন্ন প্ৰান্তৰ পৰা অহা লাখ লাখ লোকৰ সৈতে উদযাপন কৰা হৈছে।
উৰ্ছৰ সময়ত আজমেৰ শ্বৰীফ দৰগাহত উপস্থিত হয় অগণন ভক্ত। এই অনুষ্ঠানটো কেৱল ধৰ্মীয় দৃষ্টিকোণৰ পৰাই নহয়, পৰম্পৰাগত দৃষ্টিকোণৰ পৰাও গুৰুত্বপূৰ্ণ বুলি গণ্য কৰা হয়। মানুহে নিজৰ ইচ্ছা পূৰণৰ বাবে ইয়াৰ দৰগাহত চাদৰ আগবঢ়ায়। খোৱাজা গৰিব নৱাজৰ দৰগাহত চাদৰ আগবঢ়োৱাটো বিশ্বাস আৰু শ্ৰদ্ধাৰ এক গুৰুত্বপূৰ্ণ প্ৰতীক।
