২০২৫ চনৰ ২৬ জানুৱাৰীত ভাৰতে ৭৬ সংখ্যক গণৰাজ্য দিৱস উদযাপন কৰিব। এইবাৰ গণৰাজ্য দিৱসৰ মুখ্য অতিথি হ’ব ইণ্ডোনেছিয়াৰ ৰাষ্ট্ৰপতি প্ৰব’ও ছুবিয়ানটো। অহা ২৫ আৰু ২৬ জানুৱাৰীত ভাৰতত উপস্থিত থাকিব ছুবিয়ানটো।
এতিয়া জানো আহক ভাৰত চৰকাৰে গণৰাজ্য দিৱসত মুখ্য অতিথিৰ নাম কোনবোৰ নিয়মৰ অধীনত বাছনি কৰে। আজি আমি আপোনালোকক এই বিষয়ে জনাম।
গণৰাজ্য দিৱস
২০২৫ চনত দেশৰ ৭৬ সংখ্যক গণৰাজ্য দিৱস উদযাপন কৰা হ’ব। ইয়াৰ পূৰ্বে ৭৫ সংখ্যক গণৰাজ্য দিৱসৰ মুখ্য অতিথি আছিল ফ্ৰান্সৰ ৰাষ্ট্ৰপতি ইমানুৱেল মেক্ৰন। একে সময়তে ২০২৩ চনত ইজিপ্তৰ ৰাষ্ট্ৰপতি আব্দেল ফাতহ আল চিছিয়ে ভাৰত ভ্ৰমণ কৰিছিল। উল্লেখ্য যে ভাৰতত ২৬ জানুৱাৰী উপলক্ষে মুখ্য অতিথিক নিমন্ত্ৰণ কৰাৰ পৰম্পৰা ১৯৫০ চনৰ পৰা আৰম্ভ হৈছিল।
ভাৰতৰ সৰ্বোচ্চ অসামৰিক বঁটাৰে সন্মানিত
স্মৰ্তব্য যে ভাৰতলৈ অহা মুখ্য অতিথিক গণৰাজ্য দিৱসৰ সকলো অনুষ্ঠান উপলক্ষে সৰ্বোচ্চ সন্মানেৰে সন্মানিত কৰা হয়। ইয়াৰ উপৰি ৰাষ্ট্ৰপতি ভৱনত তেওঁক গাৰ্ড অৱ অনাৰ দিয়া হয়। সন্ধিয়া ভাৰতৰ ৰাষ্ট্ৰপতিয়ে মুখ্য অতিথিৰ সন্মানত বিশেষ অভ্যৰ্থনা অনুষ্ঠানৰ আয়োজন কৰে।
মুখ্য অতিথিক কেনেকৈ বাছনি কৰা হয়?
এতিয়া প্ৰশ্ন হয় ভাৰতত গণৰাজ্য দিৱস উপলক্ষে মুখ্য অতিথিগৰাকীক কেনেদৰে নিৰ্বাচিত কৰা হয়। প্ৰাপ্ত তথ্য অনুসৰি গণৰাজ্য দিৱসত মুখ্য অতিথি বাছনিৰ প্ৰক্ৰিয়া সংশ্লিষ্ট বিষয়াসকলে ৬ মাহ আগতীয়াকৈ আৰম্ভ কৰে।
ইণ্ডিয়ান এক্সপ্ৰেছৰ প্ৰতিবেদনত এই প্ৰশ্নৰ উত্তৰ দি ভাৰতৰ প্ৰাক্তন ৰাষ্ট্ৰদূত মনবীৰ সিঙে কয় যে মুখ্য অতিথিৰ নাম নিৰ্ণয় কৰাৰ সময়ত বহু কথা বিবেচনা কৰা হয়। য’ত মূল কথাটো হ’ল সেই দেশৰ সৈতে ভাৰতৰ সম্পৰ্ক কেনেকুৱা। ইয়াৰ উপৰি ভাৰতৰ লগত তেওঁলোকৰ সেনা, ৰাজনৈতিক আৰু অৰ্থনীতিৰ কি সম্পৰ্ক। এই সকলোবোৰ কথা সংশ্লিষ্ট বিষয়াসকলে গুৰুত্বসহকাৰে বিবেচনা কৰাৰ পিছত বিদেশী অতিথিজনৰ নাম নিৰ্ণয় কৰা হয়।
অৱশ্যে যিকোনো অতিথিৰ নাম সন্দৰ্ভত চূড়ান্ত সিদ্ধান্ত বৈদেশিক পৰিক্ৰমা মন্ত্ৰালয়ে গ্ৰহণ কৰে।
