শ্বেখ হাছিনাৰ ১৫ বছৰীয়া শাসন কালত বাংলাদেশৰ অৰ্থনীতিত এক অভূতপূৰ্ব উত্থানৰ সাক্ষী হৈছিল। দেশৰ অৰ্থনীতি আৰু বস্ত্ৰ উদ্যোগক উন্নীত কৰাৰ বাবে শ্বেখ হাছিনাক এই কৃতিত্ব দিয়া হৈছে।
পিছে বাংলাদেশৰ অন্তৱৰ্তীকালীন চৰকাৰৰ মুখ্য উপদেষ্টা মহম্মদ ইউনুছে শ্বেখ হাছিনা চৰকাৰৰ সময়ত আকাশলংঘী অৰ্থনীতিক ভুৱা বুলি অভিহিত কৰিছে। সংবাদ মাধ্যমৰ সৈতে হোৱা এক সাক্ষাৎকাৰত মহম্মদ ইউনুছে ২৩ জানুৱাৰী, ২০২৫ ত কয় যে, বহিষ্কৃত প্ৰধানমন্ত্ৰী শ্বেখ হাছিনাৰ চৰকাৰৰ দিনত দেশৰ অৰ্থনীতি বৃদ্ধি পোৱাৰ দাবী ‘ভুৱা’।
তথ্য অনুসৰি, শ্বেখ হাছিনাৰ ১৫ বছৰীয়া শাসনকালত বাংলাদেশৰ অৰ্থনীতিত এক অভূতপূৰ্ব উত্থান ঘটিছিল। দেশৰ অৰ্থনীতি আৰু বস্ত্ৰ উদ্যোগক উন্নীত কৰাৰ বাবে শ্বেখ হাছিনাক কৃতিত্ব দিয়া হৈছে।
২০২৩ চনত বিশ্ব বেংকে বাংলাদেশ বিশ্বৰ অন্যতম দ্ৰুতগতিত বৃদ্ধি পোৱা অৰ্থনীতি হিচাপে প্ৰক্ষেপ কৰিছিল।
বাংলাদেশৰ পৰিস্থিতিৰ কথা উল্লেখ কৰি ইউনুছে কয় যে, বাংলাদেশৰ এই পৰিস্থিতিৰ বাবে সমগ্ৰ বিশ্বই দায়ী। এয়াও বিশ্বৰ বাবেও এক ডাঙৰ শিক্ষা। পূৰ্বতে শ্বেখ হাছিনাই কৈছিল যে, বাংলাদেশত অৰ্থনীতিৰ বৃদ্ধিৰ হাৰ সৰ্বাধিক। এই সকলোবোৰ পৃথিৱীৰ বিফলতাৰ বাবেই ই একপ্ৰকাৰৰ ভুৱা।
বাংলাদেশৰ মুখ্য উপদেষ্টাগৰাকীয়ে কয় যে, ১৯৭১ চনত স্বাধীনতা লাভ কৰাৰ পিছৰে পৰা বাংলাদেশ আটাইতকৈ দৰিদ্ৰ দেশসমূহৰ ভিতৰত অন্যতম। আনহাতে ২০১৫ চনত ই নিম্ন আৰু মধ্যম আয়ৰ দেশত পৰিণত হৈছে।
