বিমানত যাত্ৰীয়ে অভদ্ৰ আচৰণ কৰাটো নতুন কথা নহয়। সময়ে সময়ে যাত্ৰীসকলে বিভিন্ন ধৰণৰ কাণ্ড বিমানৰ ভিতৰত সংঘটিত হৈ আহিছে। বেছিভাগ বিমানত যাত্ৰীয়ে বিমানৰ ভিতৰত প্ৰস্ৰাৱ কৰা ঘটনাই বাতৰিৰ শিৰোনাম লাভ কৰে। এইবাৰ পুনৰ তেনে এক ঘটনা সংঘটিত হৈছে আমেৰিকান এয়াৰ লাইনছত।
বুধবাৰে এজন যাত্ৰীয়ে বিমানত প্ৰস্ৰাৱ কৰাৰ ঘটনা পোহৰলৈ আহিছে। যাৰ বাবে আমেৰিকান এয়াৰলাইনছৰ বিমানখন জৰুৰী অৱতৰণ কৰিবলৈ বাধ্য হয়।
আমেৰিকা যুক্তৰাষ্ট্ৰৰ অৰেগন ৰাজ্যৰ ২৫ বছৰীয়া নীল মেককাৰ্থিয়ে উলংগ হৈ বিমানখনৰ কৰিডৰত প্ৰস্ৰাৱ কৰিছিল। এই নিৰ্লজ্জ ঘটনাৰ পিছতেই যুৱকজনৰ বিৰুদ্ধে এটা অপৰাধমূলক গোচৰ ৰুজু কৰা হৈছে।
ফক্স বিজনেছৰ তথ্য মতে, ঘটনাটো আমেৰিকান ঈগল ফ্লাইট-৩৯২১ত সংঘটিত হৈছিল। বিমানখন চিকাগোৰ পৰা মানচেষ্টাৰলৈ উৰা মাৰিছিল। কিন্তু যুৱকজনৰ উচ্ছৃংখল আচৰণৰ বাবে বিমানখন নিউয়ৰ্কৰ বাফেলোৰ দিশে লৈ আহিবলৈ বাধ্য হৈছিল।
বিমানখন অৱতৰণ কৰাৰ লগে লগে যুৱকজনক গ্ৰেপ্তাৰ কৰা হৈছিল। আৰক্ষীয়ে কৈছিল যে এজন যাত্ৰীৰ মোবাইলৰ কেমেৰাত তোলা এখন ফটো পাইছিল। য’ত মেককাৰ্থিকক বিমানত উলংগ হৈ প্ৰস্ৰাৱ কৰা দেখা গৈছিল।
আৰক্ষীয়ে পাইলট আৰু কৰ্মচাৰীৰ পৰাও বিবৃতি লাভ কৰিছিল। মেককাৰ্থীয়ে আৰক্ষীক কৈছিল যে তেওঁ বিমানত উঠোতে সুৰাপান কৰিছিল।
