এয়াৰ ইণ্ডিয়া বিমানৰ বিৰুদ্ধে ছ’চিয়েল মিডিয়াত ভংয়কৰ অভিযোগ। এজন যাত্ৰীয়ে এক্সত ফটো প্ৰকাশ কৰি দিছে এই অভিযোগ।
যাত্ৰীজনৰ মতে এয়াৰ ইণ্ডিয়াৰ পৰা তেওঁ ক্ৰয় কৰিছিল ৫লাখটকীয়া টিকট। বিমানখনত যাত্ৰা কৰাৰ সময়খিনি এটা হৰৰ ষ্টৰী আছিল বুলি তেওঁ উল্লেখ কৰিছে। বিনীত নামৰ যাত্ৰীগৰাকীয়ে এয়াৰ ইণ্ডিয়াৰ কেইবাখনো ফটো আপলোড কৰিছে ছ’চিয়েল মিডিয়াত। দিল্লীৰ পৰা নিউয়ৰ্ক যাবলৈ যাত্ৰীজনে ৫লাখ টকীয়া বিজনেছ ক্লাছৰ টিকট ক্ৰয় কৰিছিল। তেওঁৰ অভিযোগ ৫লাখ টকীয়া টিকট লোৱাৰ পিছতো তেওঁক দিয়া হৈছিল ফটা ছীটৰ আসন। তেওঁক উৰিবলৈ দিয়া কাপোৰ আছিল অতি লেতেৰা। বিমানখনত বিনীতক দিয়া খাদ্য আছিল আধা সিজা। এই যাত্ৰাকালটোত তেওঁৰ অতি বেয়া অভিজ্ঞতা হ’ল বুলি উল্লেখ কৰিলে যাত্ৰীগৰাকীয়ে। কেৱল এয়াই নহয় এয়াৰ ইণ্ডিয়াৰ বিমানখনৰ ভিতৰখন লেতেৰা হৈ আছিল। বহু অভিযোগ তুলি এয়াৰ ইণ্ডিয়াৰ বিমানখনৰ কেইবাখনো ফটো আপলোড কৰিলে এক্সত।
