এজন ব্যক্তিৰ তেজ তেওঁৰ জীৱনৰ আটাইতকৈ গুৰুত্বপূৰ্ণ হৃদস্পন্দন। কিন্তু সেই তেজ যদি আন কাৰোবাৰ হয় আৰু আপোনাৰ শৰীৰৰ লগত মিল নাথাকে তেন্তে কি হ’ব পাৰে।
যেতিয়া কোনো ৰোগীক চিকিৎসালয়ত তেজৰ প্ৰয়োজন হয়, তেতিয়া চিকিৎসকে তেওঁৰ অৱস্থা সুস্থিৰ কৰি ৰাখিবলৈ ট্ৰান্সফিউজন প্ৰক্ৰিয়া গ্ৰহণ কৰে। এই প্ৰক্ৰিয়াটো স্বাভাৱিক যেন লাগিব পাৰে, কিন্তু ই সমানেই সংবেদনশীল। বিশেষকৈ যেতিয়া ৰোগীক তেওঁৰ লগত মিল নোহোৱা তেজৰ গোট এটা দিয়া হয়।
বিশেষজ্ঞসকলৰ মতে, যেতিয়া কোনো ব্যক্তিক তেওঁৰ তেজৰ গোটৰ সৈতে মিল নোহোৱা তেজ দিয়া হয়, তেতিয়া শৰীৰৰ ৰোগ প্ৰতিৰোধ ক্ষমতাই ইয়াক বাহ্যিক আক্ৰমণ বুলি গণ্য কৰে। এই অৱস্থাক চিকিৎসা ভাষাত Acute Hemolytic Transfusion Reaction (AHTR) বুলি কোৱা হয়। ইয়াত শৰীৰে সেই নতুন তেজ ধ্বংস কৰিবলৈ এন্টিব’ডি উৎপন্ন কৰে, যাৰ ফলত ৰক্তকণিকাবোৰ ফাটিবলৈ আৰম্ভ কৰে আৰু শৰীৰৰ অংগবোৰ গভীৰভাৱে প্ৰভাৱিত হয়।
ইয়াৰ লক্ষণসমূহ-
- উচ্চ জ্বৰ আৰু কঁপনি
- বুকু বা পিঠিত হঠাৎ বিষ
- উশাহ লোৱাত অসুবিধা
- প্ৰস্ৰাৱৰ ৰং ৰঙা বা গাঢ় হোৱা
- ৰক্তচাপ হ্ৰাস পায়
- শৰীৰত ফুলা বা এলাৰ্জীৰ দৰে লক্ষণ
যদি এই লক্ষণসমূহ সময়মতে চিনাক্ত নহয়, তেন্তে এই অৱস্থাৰ ফলত বৃক্ক বিকল হৈ মৃত্যুও হ’ব পাৰে।
এই বিপদৰ পৰা কেনেকৈ হাত সাৰিব পাৰি জানো আহক-
- তেজ পৰীক্ষাৰ সঠিক প্ৰতিবেদন: তেজ সঞ্চালনৰ আগতে সদায় ৰোগীৰ তেজৰ গোট পৰীক্ষা কৰাব লাগে।
- ক্ৰছ মেচিঙৰ প্ৰয়োজনীয়: দাতা আৰু ৰোগীৰ তেজ একেলগে মিহলাই পৰীক্ষা কৰাটো বাধ্যতামূলক।
ভুল তেজৰ গোটৰ তেজ সঞ্চালন কৰাটো এটা সৰু গাফিলতিৰ ডাঙৰ ফল হ’ব পাৰে। এই অৱস্থাই কেইমিনিটমানৰ ভিতৰতে শৰীৰৰ ভিতৰত বিশৃংখলতাৰ সৃষ্টি কৰিব পাৰে আৰু সময়মতে চিকিৎসা নকৰিলে মৃত্যুও হ’ব পাৰে। এনে পৰিস্থিতিত তেজ সঞ্চালনৰ প্ৰক্ৰিয়াটোক কেতিয়াও সহজভাৱে লোৱা উচিত নহয়।
