এগৰাকী নিয়োজিত ব্যক্তিয়েই হওঁক বা ব্যৱসায়ীয়েই হওঁক, সকলোৱে নিজৰ কৰ ৰাহি কৰিবলৈ চেষ্টা কৰে। কৰ সঞ্চয় কৰাটো দৈনিক কৰ্মৰত লোকসকলৰ বাবে এক প্ৰত্যাহ্বান।
২০২৩-২৪ বিত্তীয় বৰ্ষৰ বাবে আইটিআৰ দাখিল কৰাৰ অন্তিম দিন হৈছে ৩১ জুলাই। আয়কৰ শ্লেব অনুসৰি, যদি এজন ব্যক্তিয়ে পুৰণি কৰ প্ৰণালী বাচনি কৰিছে, তেন্তে তেওঁ ৫ লাখ টকালৈকে উপাৰ্জনৰ ওপৰত কৰিব নালাগে কোনো কৰ পৰিশোধ। কিন্তু নতুন কৰ ব্যৱস্থাত, ৭ লাখ টকা উপাৰ্জনলৈ নাই কোনো কৰ।
এই আয়কৰ সঞ্চয়ৰ পাঁচটা উপায় হৈছে-
১. গৃহঋণ
যদি কোনো ব্যক্তিয়ে গৃহ ঋণ লৈছে, তেন্তে তেওঁ ধাৰা ৮০চি- ৰ অধীনত ইয়াৰ মূল পৰিমাণৰ ওপৰত কৰ ৰেহাই পাব পাৰে। লগতে তেওঁ আয়কৰ আইনৰ ধাৰা ৮০ চি-ৰ অধীনত গৃহ ঋণৰ সূতৰ ওপৰত ৰেহাই পাব পাৰে। যদি তেওঁৰ সম্পত্তি স্ব-অধিকাৰত আছে, তেনেহ’লে ২ লাখ টকালৈকে সূতৰ ওপৰত কৰ ৰেহাই দাবি কৰিব পাৰে।
২. কৰ্মচাৰী ভৱিষ্যত নিধি
বেতনভোগী লোকসকলৰ বাবে কৰ সঞ্চয়ৰ আটাইতকৈ সহজ বিকল্পবোৰৰ ভিতৰত এটা হৈছে কৰ্মচাৰী ভৱিষ্যত নিধি (ইপিএফ)। ই আয়কৰ আইনৰ ধাৰা ৮০ চি- ৰ অধীনত ১.৫ লাখ টকালৈকে কৰ ৰেহাই প্ৰদান কৰিব পাৰে। পিএফ একাউণ্টত বছৰি ২.৫ লাখ টকালৈকে সূত কৰমুক্ত।
৩. গৃহ ভাত্তা
গৃহ ভাত্তা হৈছে কৰ্মচাৰীসকলক তেওঁলোকৰ গৃহৰ মজুৰি পৰিশোধ কৰিবলৈ দিয়া এক ভাত্তা। আয়কৰ আইনৰ ধাৰা ১০(১৩ এ) ৰ অধীনত এইচআৰএ – ৰ ওপৰত কিছুমান সীমাবদ্ধতা সাপেক্ষে কৰ ৰেহাই প্ৰাপ্ত কৰিব পাৰে।
৪. স্বাস্থ্য বীমা আঁচনি
আয়কৰ আইনৰ ধাৰা ৮০চি- ৰ অধীনত, যদিহে কোনোৱে স্বাস্থ্য বীমাৰ বাবে প্ৰিমিয়াম পৰিশোধ কৰে, তেতিয়া এজন ব্যক্তিয়ে নিজৰ কৰ ৰেহাই প্ৰাপ্ত কৰিব পাৰে। যদিহে কোনো ব্যক্তিৰ পত্নী, সন্তান আৰু পিতৃ-মাতৃৰ বাবে স্বাস্থ্য বীমা আঁচনি আছে, তেওঁ ২৫,০০০ টকালৈকে প্ৰিমিয়ামৰ ওপৰত কৰ কৰ্তন দাবী কৰিব পাৰে। যদি তেওঁৰ পিতৃ-মাতৃ জ্যেষ্ঠ নাগৰিক হয়, কৰ ৰেহাইৰ সীমা ৫০,০০০ লৈ বৃদ্ধি হয়।
৫. টিউচন মাচুলৰ ওপৰত কৰ ৰেহাই
এগৰাকী ব্যক্তিয়ে নিজৰ সন্তানৰ শিক্ষাৰ বাবে বিদ্যালয়/মহাবিদ্যালয়ৰ মাচুলৰ অন্তৰ্ভূক্ত টিউচন মাচুলৰ ওপৰত কৰ ৰেহাই পাব পাৰে। আয়কৰ আইনৰ ধাৰা ৮০চি-(১৭) ৰ অধীনত থকা এক ব্যৱস্থাই সন্তানৰ টিউচন মাচুলৰ ওপৰত কৰ ৰেহাই দাবী কৰিব পাৰে। এই ৰেহাই প্ৰাপ্ত কৰিবলৈ, তেওঁ প্ৰতিষ্ঠানটোৰ পৰা নামভৰ্তি প্ৰমাণপত্ৰ আৰু মাচুলৰ ৰচিদ দাখিল কৰিব লাগিব।
