বলীউদৰ এগৰাকী জনপ্ৰিয় কন্ঠশিল্পী হৈছে শ্ৰেয়া ঘোষাল। কেইবাটাও ভাষাত কন্ঠদান কৰিছে শ্ৰেয়া ঘোষালে। বহুকেইটা ৰাষ্ট্ৰীয় পুৰস্কাৰ লাভ কৰিবলৈ সক্ষম হৈছে শ্ৰেয়া ঘোষালে। বৰ্তমান স্বামী, পুত্ৰ সন্তানৰ সৈতে বাস কৰে শ্ৰেয়া ঘোষালে। আন্তঃৰাষ্ট্ৰীয় বাণিজ্য ক্ষেত্ৰত শ্ৰেয়া ঘোষালৰ স্বামীৰ আছে এক সুকীয়া নাম।
শ্ৰেযা ঘোষালৰ স্বামীৰ নাম হৈছে শিলাদিত্য মুখোপাধ্যায়। ব্যৱসায়ীক ক্ষেত্ৰত বিশ্বত নাম আছে তেওঁৰ। শিলাদিত্য মুখোপাধ্যায় কলাৰ আইডি আৰু স্পাম-ব্লকিং এপ ট্ৰুকলাৰৰ গুৰুত্বপূৰ্ণ পদত অধিষ্ঠিত। ২০২২ চনৰ এপ্ৰিলৰ পৰাই শিলাদিত্য মুখোপাধ্যায়ই ট্ৰুকলাৰৰ গ্লোবেল হেড হিচাপে কাৰ্যভাৰ গ্ৰহণ কৰিছে।
ট্ৰুকলাৰৰ মুখ্য কাৰ্যালয় ষ্টকহোমত অৱস্থিত। ২০০৯ চনত প্ৰতিষ্ঠা হোৱা ট্ৰুকলাৰে জানুৱাৰী-ডিচেম্বৰ ২০২৩ বিত্তীয় বৰ্ষৰ বাবে ১,৭৪০.৪ নিযুত (প্ৰায় ১৪০৬ কোটি টকা) ৰাজহ সংগ্ৰহ কৰিছিল। মাহিলী ৩৭৪ নিযুতৰো অধিক সক্ৰিয় ব্যৱহাৰকাৰী আছে ট্ৰুকলাৰৰ।
উল্লেখ্য যে, ট্ৰুকলাৰৰ পূৰ্বে শিলাদিত্য মুখোপাধ্যায়ে কেলিফৰ্ণিয়াস্থিত ক্লেভাৰটেপ প্ৰতিষ্ঠানৰ জ্যেষ্ঠ পদত অধিষ্ঠিত আছিল। তেওঁ মুম্বাই বিশ্ববিদ্যালয়ৰ পৰা ইলেক্ট্ৰনিকছত স্নাতক ডিগ্ৰী সম্পন্ন কৰিছে।
স্মৰ্তব্য যে, শ্ৰেয়া ঘোষাল আৰু শিলাদিত্য মুখোপাধ্যায় শৈশৱৰ বন্ধু আছিল। বন্ধুৰ পৰা প্ৰেমিকালৈ ৰূপান্তৰিত হোৱা শ্ৰেয়া ঘোষাল আৰু শিলাদিত্য মুখোপাধ্যায়ে ৯ বছৰ সম্পৰ্কত আছিল। ২০১৫ চনত বিবাহ-পাশত আৱদ্ধ হৈছিল শ্ৰেয়া-শিলাদিত্য।
