ভাৰতৰ জেমছ বণ্ডৰ কথা মনত আছেনে? নাম অজিত দোভাল। অজিত দোভালক পুনৰ ভাৰতৰ সুৰক্ষাৰ দায়িত্ব দিছে মোদী চৰকাৰে। অতি বুদ্ধিদীপ্ত অজিত দোভালে ফাদিল কৰিছিল সন্ত্ৰাসবাদীৰ ভাৰত আক্ৰমণৰ ব্লুপ্ৰিণ্ট।
অজিত দোভালৰ বিষয়ে জানো আহক
সন্ত্ৰাসবাদীৰ কুকৌশল মুহূৰ্ততে ধৰা পেলোৱা আৰু বুদ্ধিদীপ্তৰাৰে সকলো খবৰ লাভ কৰা আজি দোভালক ভাৰতৰ জেমছ বণ্ড ৰূপে জনা যায়। ১৯৮৮ জনত অজিত দোভালক প্ৰদান কৰা হৈছিল কীৰ্তি চক্ৰ। ভাৰতৰ আৰক্ষী সেৱাত কম বয়সতে পদক লাভ কৰা ব্যক্তিজনেই হৈছে অজিত দোভাল।
১৯৪৫ চনৰ ২০ জানুৱাৰীত উত্তৰাখণ্ডৰ পোৰি গৰৱালত জন্ম হৈছিল অজিত দোভালৰ। ১৯৭২চনত ইণ্টেলিজেন্স ব্যুৰত যোগদান কৰিছিল দোভালে। চোৰাংচোৱা বিভাগত বেছিভাগ সময় দি দেশৰ সুৰক্ষা ব্যৱস্থা কটকটীয়া কৰি তুলিছিল এইগৰাকী ব্যক্তিয়ে।
১৯৬৮চনত IPS বিষয়া হিচাপে যোগদান কৰি আৰক্ষী বিভাগত সেৱা আগবঢ়াইছিল। ২০১৪ চনত ইৰাকৰ তিৰ্কিৰ এখন হাস্পতালত ৪৬গৰাকী ভাৰতীয় নাৰ্ছক বন্দী কৰি ৰাখিছিল সন্ত্ৰাসবাদীয়ে। সেই বৰ্ষৰে ২৫ জুনত অজিত দোভাল উপস্থিত হৈছিল ইৰাকত। বন্দী হৈ থকা সকলো নাৰ্ছক ৫ জুলাইত মুকলি কৰি আনিবলৈ সক্ষম হৈছিল অজিত দোভালে।
২০১৪ৰ ৩১ মে’ত ৰাষ্ট্ৰীয় সুৰক্ষা পৰামৰ্শদাতা হিচাপে অজিত দোভালক নিযুক্তি দিয়ে মোদী চৰকাৰে। ৩৭০, ছাৰ্জিকেল ষ্ট্ৰাইক, ডোকলামৰ ঘটনা, কূটনৈতিক সিদ্ধান্তকে ধৰি দেশৰ বহু গুৰুত্বপূৰ্ণ ঘটনা প্ৰবাহত প্ৰত্যক্ষভাৱে জৰিত দিছিল ভাৰতৰ এই জেমছ বণ্ড খ্যাত ব্যক্তিগৰাকী।
