পাকিস্তান আৰু আফগানিস্তানৰ মাজৰ সীমাত মাজত হোৱা সংঘৰ্ষ এতিয়া দেশখনৰ ভিতৰুৱা অঞ্চললৈ বিয়পি গৈছে। ১৪ অক্টোবৰত নিশাৰ পৰাই পাকিস্তানী সেনাই আফগান সামৰিক স্থানসমূহক লক্ষ্য কৰি লৈছে।
কিন্তু ১৫ অক্টোবৰত পাকিস্তানী সেনাই আফগান সামৰিক স্থানৰ বাহিৰলৈ গৈ আফগান চহৰৰ খোষ্ট আৰু কাণ্ডাহাৰৰ সীমান্তৰ কাষৰীয়া আৱাসিক অঞ্চলত আক্ৰমণ চলায়। খবৰ অনুসৰি, পাকিস্তানৰ সামৰিক আক্ৰমণত ১২ জনতকৈ অধিক আফগান সাধাৰণ নাগৰিক নিহত হোৱাৰ লগতে ১০০ৰো অধিক লোক আহত হৈছে।
নিহতসকলৰ ভিতৰত আছে পাকিস্তানৰ পৰা আক্ৰমণৰ বাতৰি দিবলৈ যোৱা আফগান সাংবাদিক আব্দুল গাফুৰ আবিদ। পাকিস্তানৰ আক্ৰমণত আন এজন স্থানীয় আফগান সাংবাদিক টাৱাব আৰ্মানো আহত হয়।
বিগত এসপ্তাহ ধৰি পাকিস্তানে আফগানিস্তানৰ আৱাসিক অঞ্চলক লক্ষ্য কৰি লোৱাই নহয়, আফগানিস্তানক গাজালৈ ৰূপান্তৰিত কৰাৰ চেষ্টাত অসামৰিক লোকৰ ঘৰকো আক্ৰমণ কৰি ধ্বংস কৰি আহিছে। ইয়াৰ উপৰিও আফগান নাগৰিক আৰু সাংবাদিকৰ প্ৰাণ কাঢ়ি লৈছে।
১৫ অক্টোবৰত আফগানিস্তানৰ খোষ্টৰ জাজী ময়দান অঞ্চলত পাকিস্তানী সেনাই ড্ৰ’ন আক্ৰমণ চলায়। ড্ৰোন আক্ৰমণৰ ফলত প্ৰায় ২০টা ঘৰ ধ্বংসাৱশেষলৈ পৰিণত হয়।
