বিশ্ব টেষ্ট চেম্পিয়নশ্বিপৰ ফাইনেলত দক্ষিণ আফ্ৰিকাৰ এইডেন মাৰ্কৰামে ইতিহাস ৰচিবলৈ সক্ষম হয়। দক্ষিণ আফ্ৰিকাৰ দ্বিতীয় ইনিংছত মাৰ্কৰামে খেলা ১৩৬ ৰানৰ দৰ্শনীয় ইনিংছে সকলোকে মোহাচ্ছন্ন কৰে। মাৰ্কৰামে ২০৭টা বলত ১৪টা চাৰিৰ সহায়ত ১৩৬ ৰানৰ ইনিংছ খেলে।
মাৰ্কৰামৰ এই ঐতিহাসিক ইনিংছৰ সহায়তেই দক্ষিণ আফ্ৰিকাই প্ৰথমবাৰৰ বাবে বিশ্ব টেষ্ট চেম্পিয়নশ্বিপৰ খিতাপ দখল কৰিবলৈ সক্ষম হয়। এই ইনিংছটোৰ জৰিয়তে মাৰ্কৰামে ভংগ কৰে ক্ৰিকেট জগতৰ কিম্বদন্তী শচীন তেণ্ডুলকাৰৰ নামত থকা এক অভিলেখ।
অষ্ট্ৰেলিয়াৰ বিৰুদ্ধে যিকোনো ফাইনেলত সৰ্বাধিক স্ক’ৰ কৰা ক্ৰিকেটাৰত পৰিণত হ’ল মাৰ্কৰাম। ইয়াৰ পূৰ্বে শচীনৰ নামত আছিল এই অভিলেখ। শচীনে ১৯৯৮ চনত শ্বাৰজাহত অনুষ্ঠিত কোকা-কোলা কাপৰ ফাইনেলত ১৩৪ ৰানৰ ইনিংছ খেলিছিল।
ফাইনেলত অষ্ট্ৰেলিয়াৰ বিৰুদ্ধে সৰ্বাধিক স্ক’ৰ
১৩৬- মাৰ্কৰাম, লৰ্ডছ, বিশ্ব টেষ্ট চেম্পিয়নশ্বিপ, ২০২৫
১৩৪- শচীন তেণ্ডুলকাৰ, শ্বাৰজাহ, কোকা-কোলা কাপ, ১৯৯৮
১২০*- পল কলিংউড, মেলবৰ্ণ, কমনৱেলথ বেংক ছিৰিজ, ২০০৭
১১৭*- শচীন তেণ্ডুলকাৰ, ছিডনী, কমনৱেলথ বেংক ছিৰিজ, ২০০৮
১১২*- গেৰী কাৰ্ষ্টেন, মেলবৰ্ণ, বেনছন এণ্ড হেজছ ৱৰ্ল্ড ছিৰিজ, ১৯৯৪
ইয়াৰ উপৰি লৰ্ডছত চতুৰ্থ ইনিংছত টেষ্ট শতক অৰ্জন কৰা প্ৰথমজন দক্ষিণ আফ্ৰিকান বেটছমেন হিচাপেও পৰিগণিত হৈছে মাৰ্কৰাম। লৰ্ডছত দক্ষিণ আফ্ৰিকাৰ ১৩ জন বেটছমেনে শতক অৰ্জন কৰিছে যদিও চতুৰ্থ ইনিংছত এনে কৃতিত্ব কৰা প্ৰথমজন দক্ষিণ আফ্ৰিকাৰ বেটছমেন হিচাপে পৰিগণিত হৈছে মাৰ্কৰাম।
