ভাৰত আৰু আমেৰিকাৰ মাজত কূটনৈতিক সু-সম্পৰ্কৰ কথা চৰ্চিত হ’লেও, ভাৰতীয়সকলক স্বদেশলৈ উভোতাই পঠিওৱাৰ প্ৰক্ৰিয়া বৰ্তমানেও অব্যাহত আছে।
এক প্ৰতিবেদন অনুসৰি, আমেৰিকাৰ পৰা অনুপ্ৰৱেশকাৰীক বহিষ্কাৰ কৰাৰ প্ৰক্ৰিয়া এনেকুৱা যে ২০২৪ চনত প্ৰতি ৬ ঘণ্টাৰ মূৰে মূৰে এজন ভাৰতীয়ক আমেৰিকাৰ পৰা ভাৰতলৈ বিতাড়িত কৰা হ’ব।
আমেৰিকাৰ ইমিগ্ৰেচন এণ্ড কাষ্টমছ এনফৰ্চমেণ্টে (ICE) ১৯ ডিচেম্বৰত প্ৰকাশ কৰা ২০২৪ বিত্তীয় বৰ্ষৰ বাৰ্ষিক প্ৰতিবেদন অনুসৰি, ২০২৪ত প্ৰতি ৬ ঘণ্টাৰ মূৰে মূৰে এজনকৈ ভাৰতীয়ক আমেৰিকাৰ পৰা ভাৰতলৈ বহিষ্কাৰ কৰা হৈছিল।
২০২৩ চনৰ তুলনাত ২০২৪ চনত এই সংখ্যা অধিক বৃদ্ধি পাইছে।
২০২১ চনত ২,৭১,৪৮৪ জনৰ ভিতৰত ১,৫২৯ গৰাকী ভাৰতীয়ৰ তুলনাত ২০২৪ চনত ৫৯,০১১ জনৰ ভিতৰত ২৯২ গৰাকী ভাৰতীয়ক স্বদেশলৈ উভোতাই পঠিওৱা হৈছে।
আনহাতে ২০২৩ চনত আমেৰিকাৰ পৰা ১,৪২,৫৮০ জন লোকক বহিষ্কাৰ কৰা হৈছিল, য’ত ৩৭০ জন ভাৰতীয় আছিল। আনহাতে ২০২২ চনত বহিষ্কাৰ হোৱা ৭২,১৭৭ জনৰ ভিতৰত ২৭৬ জন ভাৰতীয়।
উল্লেখ্য যে, ২০১৯ আৰু ২০২০ চনৰ ক’ৰোণা মহামাৰীৰ সময়ত ড’নাল্ড ট্ৰাম্পৰ আমেৰিকাৰ ৰাষ্ট্ৰপতি হিচাপে প্ৰথম কাৰ্যকালত মুঠ ৩,৯২৮ (ক্ৰমে ১,৬১৬ আৰু ২,৩১২) অবৈধ অনাবাসী ভাৰতীয়ক বহিষ্কাৰ কৰা হৈছিল। ইয়াৰ তুলনাত ২০২১ চনত যেতিয়া জো বাইডেনে আমেৰিকাৰ ৰাষ্ট্ৰপতি হিচাপে দায়িত্ব গ্ৰহণ কৰিছিল, তেতিয়া ২০২৪ চনত প্ৰতিবেদন প্ৰকাশ পোৱাৰ সময়লৈকে বহিষ্কৃত ভাৰতীয়ৰ মুঠ সংখ্যা ৩,৪৬৭ত উপনীত হৈছিল।
ইতিমধ্যে আমেৰিকাৰ ইমিগ্ৰেচন এণ্ড কাষ্টমছ এনফৰ্চমেণ্টে বিতাড়নৰ বাবে নিৰ্ধাৰিত লোকৰ তালিকা প্ৰস্তুত কৰিছে, আৰু প্ৰায় ১৮ হাজাৰ নথি-পত্ৰবিহীন ভাৰতীয়ক বহিষ্কাৰৰ সম্ভাৱনা বুলি চিনাক্ত কৰিছে।
