আজি কেইবাজনো হেভিৱেট প্ৰাৰ্থীয়ে দাখিল কৰিব মনোনয়ন পত্ৰ। কামৰূপ মেট্ৰ’ৰ ৪ সমষ্টিৰ বিজেপি প্ৰাৰ্থীয়ে দাখিল কৰিব মনোনয়ন পত্ৰ।
দিছপুৰ সমষ্টিৰ বাবে মনোনয়ন দাখিল কৰিব প্ৰদ্যুৎ বৰদলৈয়ে। মধ্য গুৱাহাটীৰ বাবে বিজয় গুপ্তা, নিউ গুৱাহাটীৰ প্ৰাৰ্থী দিপ্লুৰঞ্জন শৰ্মাই দাখিল কৰিব মনোনয়ন পত্ৰ। ডিমৰীয়া সমষ্টিৰ বাবে এনডিএ সমৰ্থিত প্ৰাৰ্থী তপন কুমাৰ দাসে দিব মনোনয়ন পত্ৰ।
শাসকীয় দলৰ লগতে বিৰোধী দলৰ প্ৰাৰ্থীসকলেও আজি দাখিল কৰিব মনোনয়ন পত্ৰ। দিছপুৰ সমষ্টিৰ বাবে মনোনয়ন দাখিল কৰিব মীৰা বৰঠাকুৰে। মধ্য গুৱাহাটীৰ বাবে বিৰোধী প্ৰাৰ্থী কুংকি চৌধুৰীৰ আজি মনোনয়ন দাখিল কৰিব।
আকৌ বিন্নাকান্দি সমষ্টিৰ বাবে আজি মনোনয়ন দাখিল কৰিব বদৰুদ্দিন আজমলে। এই সমষ্টিৰ বাবে বিৰোধীৰ প্ৰাৰ্থী ৰেজাউল কৰিম চৌধুৰীয়ে দাখিল কৰিব মনোনয়ন পত্ৰ। নলবাৰীত আজি দুই মন্ত্ৰীয়ে দাখিল কৰিব মনোনয়ন পত্ৰ। চন্দ্ৰমোহন পাটোৱাৰী আৰু জয়ন্ত মল্ল বৰুৱাই দাখিল কৰিব মনোনয়ন পত্ৰ।
বৰক্ষেত্ৰী সমষ্টিৰ বাবে বিজেপি প্ৰাৰ্থী নাৰায়ণ ডেকাই দাখিল কৰিব মনোনয়ন পত্ৰ। বৰক্ষেত্ৰী সমষ্টিৰ বাবে কংগ্ৰেছ প্ৰাৰ্থী দিগন্ত বৰ্মনে দাখিল কৰিব মনোনয়ন পত্ৰ। নলবাৰী সমষ্টিৰ পৰা প্ৰাক্তন বিধায়ক অশোক শৰ্মাই আজি মনোনয়ন দাখিল কৰিব। ডিগবৈ সমষ্টিৰ বিজেপি দলৰ প্ৰাৰ্থী সুৰেণ ফুকন, আৰু ৰাইজৰ দলৰ প্ৰাৰ্থী দুলাল মৰাণে আজি তিনিচুকীয়াত দাখিল কৰিব মনোনয়ন পত্ৰ।
নগাঁৱত কলিয়াবৰৰ অগপ প্ৰাৰ্থী তথা মন্ত্ৰী কেশৱ মহন্তই মনোনয়ণ দাখিল কৰিব, তেওঁক সংগ দিব মূখ্যমন্ত্ৰীয়ে। বঢ়মপুৰৰ অজাপৰ প্ৰাৰ্থী ৰাজেন গোঁহাই,ৰহাৰ কংগ্ৰেছ প্ৰাৰ্থী উৎপল বনিয়া,চামগুৰিৰ কংগ্ৰেছ প্ৰাৰ্থী তানজিল হুছেইন, বিজেপি প্ৰাৰ্থী অনিল শইকীয়া, ধিঙৰ বিজেপি প্ৰাৰ্থী মুকুত কুমাৰ দেবনাথকে প্ৰমূখ্য কৰি বহুকেইজনে মনোনয়ণ পত্ৰ দাখিল কৰিব।
