বাগেশ্বৰ ধামলৈ যোৱা ভক্তৰ সৈতে ঘটিল অঘটন। ভক্তক লৈ এখন অটোই খুন্দা মাৰে ৰৈ থকা ট্ৰাক এখনত।
এই ভয়ংকৰ পথ দুৰ্ঘটনা সংঘটিত হয় মধ্য প্ৰদেশৰ ছটাৰপুৰত। য’ত ভক্তৰে ভৰা এখন অট’ই প্ৰচণ্ড জোৰে খুন্দা মাৰে এখন ৰৈ থকা ট্ৰাক এখনত। এই দুৰ্ঘটনাটোত ৭ জন লোকৰ মৃত্যু হয়। মৃতসকলৰ ভিতৰত বৃদ্ধ, মহিলা আৰু এটি শিশুও উপস্থিত থাকে। আনহাতে এই দূৰ্ঘটনাটোত ছয়জন লোক আহত হোৱাৰ খবৰও পোৱা গৈছে।
দুৰ্ঘটনাটো ইমানেই ভয়াৱহ হৈ পৰিছিল যে, অটোখনৰ সন্মুখভাগ ভাঙি টুকুৰা-টুকুৰ হৈ পৰিছিল। লগে লগে আৰক্ষী আহি উপস্থিত হয় উক্ত ঘটনাস্থলীত। খবৰ অনুসৰি, পুৱাৰভাগত অটো চালকজনে টোপনি যোৱাৰ সন্দেহ কৰে আৰক্ষীয়ে। যাৰ বাবে তেওঁ ৰাস্তাত থিয় হৈ থকা ট্ৰাকখন দেখা নাপালে আৰু নিয়ন্ত্ৰণ হেৰুৱাই প্ৰচণ্ড যোৰে ট্ৰাকখনত খুন্দা মাৰে।
ইণ্ডিয়া টুডেৰ প্ৰতিবেদন অনুসৰি, ২০ আগষ্টত সংঘটিত হয় এই দুৰ্ঘটনাটো। ছটাৰপুৰ চিভিল লাইন আৰক্ষী থানা এলেকাৰ কদাৰী গাঁৱৰ সমীপত সংঘটিত হয় এই দুৰ্ঘটনা। আহত আটাইকেইজনক চিকিৎসাৰ বাবে লগে লগে জিলা চিকিৎসালয়ত ভৰ্তি কৰোৱা হয়।
