দেশৰ অন্যতম শ্ৰেষ্ঠ মুখ্যমন্ত্ৰীৰ তালিকাত অন্তৰ্ভূক্ত হৈছে অসমৰ মুখ্যমন্ত্ৰী ড০ হিমন্ত বিশ্ব শৰ্মাৰ নাম। এক আগশাৰীৰ সংবাদ প্ৰতিষ্ঠানৰ সমীক্ষাত প্ৰকাশ পাইছে এই তথ্য।
২০২৫ চনৰ ফেব্ৰুৱাৰী মাহৰ এক আগশাৰীৰ সংবাদ প্ৰতিষ্ঠানৰ এক সমীক্ষা অনুসৰি অসমৰ মুখ্যমন্ত্ৰী ড০ হিমন্ত বিশ্ব শৰ্মাক ভাৰতৰ অন্যতম শ্ৰেষ্ঠ মুখ্যমন্ত্ৰী হিচাপে স্থান দিয়া হৈছে।
আকৰ্ষণীয় ৫৫.৪% ৰেটিঙেৰে ড০ শৰ্মাই তেওঁৰ কেইবাজনো সমকক্ষক অতিক্ৰম কৰি তেওঁৰ ক্ৰমবৰ্ধমান জনপ্ৰিয়তা আৰু তেওঁৰ শাসনৰ উৎকৃষ্টতাক পুনৰ নিশ্চিত কৰিছে।
লক্ষণীয়ভাৱে, অন্ধ্ৰপ্ৰদেশ, পশ্চিমবংগ আৰু কৰ্ণাটকৰ দৰে ৰাজ্যত তেওঁৰ সমকক্ষসকলে নিম্ন ফলাফল দেখুৱাইছে।ইয়ে ড০ হিমন্ত বিশ্ব শৰ্মাৰ নেতৃত্বক দল আৰু ৰাষ্ট্ৰৰ প্ৰতি সমৰ্পিত এক উল্লেখনীয় নেতা হিচাপে চিহ্নিত কৰিছে।
এডভান্টেজ আসামৰ ২.০ৰ পূৰ্বে এই জৰীপ অসমৰ বিনিয়োগৰ বাবে এক সুখবৰ।এই সমীক্ষাৰ ফলাফলে ড০ শৰ্মাক প্ৰগতিশীল আৰু দূৰদৰ্শী নেতা হিচাপে খ্যাতিমান কৰি তুলিছে।
আন্তঃগাঁথনি উন্নয়ন, সমাজৰ কল্যাণ, অৰ্থনৈতিক বিকাশ আৰু আইন প্ৰৱৰ্তন সংস্কাৰৰ দিশত তেওঁৰ গুৰুত্বই অসমক শাসনৰ এক আৰ্হি হিচাপে প্ৰতীয়মাণ কৰিছে।
