পশ্চিমবংগৰ কোচবিহাৰৰ ডোডেয়াৰহাটত গুলীচালনা সংঘটিত হোৱাৰ খবৰ আহিছে। এই গুলীচালনাত এজন লোক নিহত হোৱাৰ লগতে আন এজন গুৰুতৰভাৱে আহত হয়।
অচিনাক্ত দুৰ্বৃত্তৰ গুলীচালনাত নিহত হোৱা লোকজনক সঞ্জীৱ ৰায় ওৰফে অমৰ ৰায় আৰু আহত লোকজনক আলমংগীৰ হোচেন বুলি চিনাক্ত কৰা হৈছে।
আহত আলমংগীৰ হোচেনক কোচবিহাৰৰ এম জে এন চিকিৎসালয়ত ভৰ্তি কৰা হয়। নিহত সঞ্জীৱ ৰায় ওৰফে অমৰ ৰায় ভাওয়াগুৰি গ্ৰাম পঞ্চায়তৰ প্ৰধানৰ পুত্ৰ।
ঘটনাৰ বিৱৰণি অনুসৰি, আজি সন্ধিয়া বন্দুকধাৰী অচিনাক্ত দুৰ্বৃত্তই বাইকেৰে আহি লোক দুজনক লক্ষ্য কৰি কেইবা ৰাউণ্ড গুলী কৰি ঘটনাস্থলৰ পৰা পলায়ন কৰে।
এই ভয়ংকৰ গুলীচালনাৰ ঘটনাৰ পিছতে ঘটনাস্থলীত কোচবিহাৰ আৰক্ষী অধীক্ষক দুতিমান ভট্টাচাৰ্য উপস্থিত মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰাৰ লগতে ঘটনা সন্দৰ্ভত তদন্ত অব্যাহত ৰাখিছে।
