মহাৰাষ্ট্ৰ বিধানসভা নিৰ্বাচনৰ পূৰ্বে একনাথ সিন্দে চৰকাৰে লৈছে এটা ডাঙৰ সিদ্ধান্ত। ৰাজ্য চৰকাৰে গৰুক আনুষ্ঠানিকভাৱে ৰাজ্য মাতৃ হিচাপে মৰ্যাদা দিছে। আজি চৰকাৰে অনুষ্ঠিত কৰা কেবিনেট বৈঠক এই সিদ্ধান্ত গ্ৰহণ কৰে।
এই সন্দৰ্ভত সিদ্ধান্ত গ্ৰহণ কৰি মহাৰাষ্ট্ৰ চৰকাৰে কয় যে বৈদিক যুগৰ পৰা ভাৰতীয় সংস্কৃতিত থলুৱা গৰুৰ মৰ্যাদা, মানুহৰ খাদ্যত থলুৱা গৰুৰ গাখীৰৰ উপযোগিতা, আয়ুৰ্বেদ চিকিৎসা, পঞ্চগব্য চিকিৎসা পদ্ধতিৰ প্ৰতি লক্ষ্য ৰাখি এতিয়াৰ পৰা থলুৱা গৰুক ৰাজ্য মাতৃ বুলি ঘোষণা কৰিবলৈ অনুমোদন জনোৱা হয়।
উল্লেখ্য যে, হিন্দুসকলে গৰুক ঈশ্বৰ বুলি গণ্য কৰে। বিজেপি শাসিত সকলো ৰাজ্যতে নিষেধাজ্ঞা আৰোপ কৰা হৈছে গৰু হত্যা। কিন্তু কোনো ৰাজ্যতে গৰুক আনুষ্ঠানিকভাৱে ৰাজ্যৰ মাতৃ হিচাপে স্বীকৃতি দিয়া হোৱা নাছিল।
ভাৰতত বহুতো জীৱ-জন্তু, চৰাই, গছ-গছনি, নদীৰ পূজা কৰা হয়। হিন্দু ধৰ্মত তেওঁলোকৰ অতি গুৰুত্ব আছে। গৰুক পবিত্ৰ বুলি গণ্য কৰাৰ লগতে ইয়াৰ গাখীৰ, প্ৰস্ৰাৱ আৰু গোবৰকো পবিত্ৰ বুলি গণ্য কৰা হয়। ধৰ্মীয় আৰু পৌৰাণিক বিশ্বাস অনুসৰি এটা গৰুৰ শৰীৰত ৩৩ কোটি দেৱ-দেৱী বাস কৰে। এই কাৰণেই দীৰ্ঘদিন ধৰি গৰুক জাতিৰ মাতৃ হিচাপে ঘোষণা কৰিবলৈ আন্দোলন চলি আহিছে আৰু মাজে মাজে কেন্দ্ৰীয় চৰকাৰক গৰুক জাতিৰ মাতৃ ঘোষণা কৰিবলৈ আহ্বান জনোৱা হৈছে।
উল্লেখ্য যে, চলিত বছৰৰ শেষৰ ফালে অৰ্থাত নৱেম্বৰ মাহত মহাৰাষ্ট্ৰত অনুষ্ঠিত বিধানসভা নিৰ্বাচন।
