ক্ৰিকেটৰ সকলো ফৰ্মেটৰ পৰা অৱসৰ গ্ৰহণ কৰিছে ষ্টাৰ ইণ্ডিয়ান বেটছমেন চেতেশ্বৰ পূজাৰাই। চেতেশ্বৰ পূজাৰাই ২৪ আগষ্টত ছ’চিয়েল মিডিয়া পোষ্টৰ জৰিয়তে এই বিষয়ে অৱগত কৰে। ৩৭ বছৰীয়া পূজাৰাই এক্সত এটা দীঘলীয়া পোষ্ট দি ক্ৰিকেট কেৰিয়াৰৰ অন্ত পেলাইছে।
চেতেশ্বৰ পূজাৰাৰ টেষ্ট কেৰিয়াত ১০৩খন টেষ্ট মেচত ৪৩.৬০ গড়ে ৭১৯৫ ৰান সংগ্ৰহ কৰে। এই সময়ছোৱাত তেওঁ ১৯টা শতক আৰু ৩৫টা অৰ্ধশতক অৰ্জন কৰে। ২০২৩ চনত বিশ্ব টেষ্ট চেম্পিয়নশ্বিপৰ ফাইনেলত ভাৰতৰ হৈ অন্তিমখন খেল খেলিছিল পূজাৰাই। অষ্ট্ৰেলিয়াৰ বিৰুদ্ধে সেই খেলখনত পূজাৰাই ৪১ ৰান সংগ্ৰহ কৰিছিল। ইয়াৰ পিছত পূজাৰাক দলৰ পৰা বাদ দিয়া হয়।
পূজাৰাই শ্বেয়াৰ কৰা অৱসৰ নোটত লিখা আছে যে, যেতিয়া তেওঁ ক্ৰিকেট যাত্ৰা আৰম্ভ কৰিছিল, তেতিয়া তেওঁ ভবা নাছিল যে ক্ৰিকেট ইমানখিনি দিব। ভাৰতীয় জাৰ্চি পিন্ধি, জাতীয় সংগীত গাই আৰু প্ৰতিবাৰ খেলপথাৰত সমস্ত শক্তি প্ৰয়োগ কৰি শব্দৰে প্ৰকাশ কৰাটো অসম্ভৱ। কিন্তু কোৱাৰ দৰে প্ৰতিটো ভাল কামৰ এটা অন্ত থাকে। সম্পূৰ্ণ কৃতজ্ঞতাৰে ভাৰতীয় ক্ৰিকেটৰ সকলো ফৰ্মেটৰ পৰা অৱসৰ লোৱা বুলি জানিবলৈ দিয়ে।
