পেহেলগাম আক্ৰমণৰ পিছত ভাৰতে অপাৰেশ্যন সিন্দূৰৰ জৰিয়তে পাকিস্তানত থকা সন্ত্ৰাসবাদী ঘাটি কেনেকৈ ধ্বংস কৰিলে? ভাৰতৰ এই কাৰ্যত ক্ষুব্ধ হৈ পাকিস্তানে যেতিয়া ভাৰতক আক্ৰমণ কৰিছিল, তেতিয়া ইয়াৰ প্ৰত্যুত্তৰ কেনেকৈ দিয়া হৈছিল?
অপাৰেশ্যন সিন্দূৰৰ লগতে পাকিস্তানৰ পৃষ্ঠপোষকতাত চলি থকা সন্ত্ৰাসবাদৰ সম্পূৰ্ণ কাহিনী বৰ্ণনা কৰিবলৈ বিদেশলৈ যাবলগীয়া ভাৰতীয় সাংসদৰ প্ৰতিনিধি দলৰ সম্পূৰ্ণ তালিকা প্ৰকাশ পাইছে। ভাৰতৰ পৰা যাবলগীয়া এই প্ৰতিনিধি দলত প্ৰতিটো ৰাজনৈতিক দলৰ সাংসদৰ ৭ খন তালিকা প্ৰস্তুত কৰা হৈছে। য’ত শাসকীয় দলৰ লগতে বিৰোধী দলৰ সাংসদ আৰু কূটনৈতিক বিষয়াও আছে।
এই আটাইকেইটা গোটে অনাগত দিনত বিভিন্ন দেশ ভ্ৰমণ কৰি সন্ত্ৰাসবাদৰ বিৰুদ্ধে ভাৰতৰ কঠোৰ স্থিতি আৰু পাকিস্তানৰ কুৎসিত ষড়যন্ত্ৰ উদঙাই দিব।
অপাৰেশ্যন সিন্দূৰৰ সম্পূৰ্ণ কাহিনী জনাবলৈ তথা সন্ত্ৰাসবাদক প্ৰশ্ৰয় দিয়া পাকিস্তানৰ প্ৰকৃত স্বৰূপ উদঙাবলৈ যাবলগীয়া প্ৰতিনিধি দল কেইটা
গ্ৰুপ-১: নেতা- বৈজয়ন্ত পাণ্ডা (বিজেপি সাংসদ)
সদস্য- নিশিকান্ত ডুবে, ফাংনন কন্যাক, ৰেখা শৰ্মা, আছাদুদ্দিন ওৱেইছি, সতনম সিং সন্ধু, গুলাম নবী আজাদ, হৰ্ষ শৃংলা
ভ্ৰমণ কৰিবলগীয়া দেশ- চৌদি আৰব, কুৱেইট, বাহৰেইন আৰু আলজেৰিয়া।
গ্ৰুপ- ২: নেতা- ৰবিশংকৰ প্ৰসাদ (বিজেপি, সাংসদ)
সদস্য- ডগ্গুবাটি পুৰন্দেশ্বৰী, প্ৰিয়ংকা চতুৰ্বেদী, গুলাম আলী খাটানা, অমৰ সিং, সমীক ভট্টাচাৰ্য, এম জে আকবৰ, পংকজ সাৰণ
ভ্ৰমণ কৰিবলগীয়া দেশ- ব্ৰিটেইন, ফ্ৰান্স, জাৰ্মানী, ইউৰোপীয়ন ইউনিয়ন, ইটালী আৰু ডেনমাৰ্ক।
গ্ৰুপ- ৩: নেতা- সঞ্জয় ঝা, (জেডিইউ, সাংসদ)
সদস্য- অপৰাজিতা সাৰংগী, ইউছুফ পাঠান, ব্রিজ লাল, ডাঃ জন ব্রিটাছ, প্রদান বৰুৱা, হেমাং যোশী, ছলমান খুৰছিদ, মোহন কুমাৰ
ভ্ৰমণ কৰিবলগীয়া দেশ- ইণ্ডোনেছিয়া, মালয়েছিয়া, কোৰিয়া ৰিপাব্লিক, জাপান আৰু ছিংগাপুৰ।
গ্ৰুপ- ৪: নেতা- শ্ৰীকান্ত সিন্দে, (শিৱ সেনা, সাংসদ)
সদস্য- বাঁসুৰী স্বৰাজ, ই টি মহম্মদ বছিৰ, অতুল গাৰ্গ, ডাঃ সমীত পাঠক, সুমন কুমাৰী মিশ্ৰা, এছ এছ আহলুৱালিয়া, ৰাষ্ট্ৰদূত সুজান চিনয়
ভ্ৰমণ কৰিবলগীয়া দেশ- ইউ এ ই, লাইবেৰিয়া, কংগো, ছিয়েৰা লিঅ’ন।
গ্ৰুপ-৫: নেতা- শশী থাৰুৰ, কংগ্ৰেছৰ সাংসদ
সদস্য- ছৰফৰাজ আহমেদ, জি এম হৰিশ বালযোগী, শশাংক মণি ত্ৰিপাঠী, ভুৱনেশ্বৰ কলিতা, মিলিন্দ মুৰলী দেওৰা, তৰণজিৎ সিং সন্ধু, তেজস্বী সূৰ্য্য
ভ্ৰমণ কৰিবলগীয়া দেশ- আমেৰিকা, পানামা, কানাডা, ব্ৰাজিল, কলম্বিয়া।
গ্ৰুপ-৬: নেতা- কানিমোঝি কৰুণানিধি, (ডি এম কেৰ সাংসদ)
সদস্য- ৰাজীৱ ৰায়, মিঞা আলতাফ আহমেদ, কেপ্তেইন ব্রিজেশ চৌটালা, প্ৰেম চান্দ গুপ্তা, ড০ অশোক কুমাৰ মিট্টল, ৰাষ্ট্ৰদূত মঞ্জীৱ এছ পুৰী, ৰাষ্ট্ৰদূত জাভেদ আশ্ৰফ
ভ্ৰমণ কৰিবলগীয়া দেশ- শ্লোভেনিয়া, গ্ৰীচ, লাটভিয়া, ৰাছিয়া।
গ্ৰুপ-৭: নেত্ৰী- সুপ্ৰিয়া চুলে (এন চি পি, শাৰদ পাৱাৰ ফৈদৰ সাংসদ)
সদস্য- ৰাজীৱ প্ৰতাপ ৰুডী, বিক্ৰম জিত সিং সহায়, মনীষ তিৱাৰী, অনুৰাগ সিং ঠাকুৰ, লৱ শ্ৰীকৃষ্ণ দেৱৰায়লু, আনন্দ শৰ্মা, ভি মুৰালিধৰণ, ৰাষ্ট্ৰদূত চৈয়দ আকবৰুদ্দিন
ভ্ৰমণ কৰিবলগীয়া দেশ- ইজিপ্ত, কাটাৰ, ইথিওপিয়া, দক্ষিণ আফ্ৰিকা।
অহা ২৩ মে’ত ৰাষ্ট্ৰসমূহলৈ যাত্ৰা কৰিব প্ৰতিনিধি দলসমূহে।
উল্লেখ্য যে এই সাতটা প্ৰতিনিধিতৰ দলত নাম নাই অসমৰ সাংসদ তথা লোকসভাৰ বিৰোধী উপ-দলপতি গৌৰৱ গগৈৰ। প্ৰথম অৱস্থাত গৌৰৱ গগৈৰ নাম চৰ্চা হৈছিল যদিও পাকিস্তানৰে লিংক থকাৰ অভিযোগৰ পিছতেই এই তালিকাৰ পৰা নাম কটা গ’ল সাংসদ গগৈৰ।
