৪ গৰাকী কন্যাৰ সৈতে পিতৃয়ে কৰিলে এক আচৰিত কাণ্ড!

দিল্লীৰ ৰংপুৰী অঞ্চলত সংঘটিত হয় এক ভয়ংকৰ কাণ্ড।এগৰাকী পিতৃয়ে নিজৰ ৪গৰাকী কন্যাৰ সৈতে আত্মহত্যা কৰাৰ অভিযোগ উত্থাপিত হৈছে বুলি শুকুৰবাৰে আৰক্ষীয়ে জানিবলৈ দিয়ে।

৫০ বছৰীয়া হীৰা লালে তেওঁৰ পৰিয়ালৰ সৈতে ৰংপুৰী অঞ্চলৰ এটা ভাড়াঘৰত বাস কৰিছিল। তেওঁৰ ৪জনী ছোৱালীও আছিল, ৪জনী ছোৱালীয়ে আছিল বিশেষভাৱে সক্ষম। বিশেষভাৱে সক্ষম হোৱাৰ বাবে, ছোৱালীকেইজনী ক’লৈকো যাব পৰাও নাছিল।

পত্নীৰ মৃত্যুৰ বাবে, কন্যাৰ যত্ন লোৱাৰ দায়িত্ব হীৰা লালৰ কান্ধত আছিল। স্থানীয় লোকে আৰক্ষীক হীৰা লালৰ ঘৰৰ পৰা ওলোৱা দুৰ্গন্ধৰ বিষয়ে অৱগত কৰিছিল। যেতিয়া পুলিচে তেওঁৰ ঘৰৰ দুৱাৰ ভাঙে, তেতিয়া সকলোৰে আচম্বিত হয়।

এই ঘটনাটো শুক্ৰবাৰে দিল্লীৰ ৰংপুৰী গাঁৱত সংঘটিত হয়, য’ত এজন ব্যক্তিয়ে নিজৰ চাৰিজনী কন্যাৰ সৈতে বিষাক্ত পদাৰ্থ সেৱন কৰি আত্মহত্যা কৰে। তথ্য পোৱাৰ পিছত, আৰক্ষীয়ে ফ্লেটটোৰ তলা ভাঙি মৃতদেহবোৰ আঁতৰাই পেলায়। ৪জনী ছোৱালীয়েই বিশেষভাৱে সক্ষম হোৱাৰ বাবে খোজ কাঢ়িব পৰা নাছিল। ডিচিপি ৰোহিত মীনাৰৰ মতে, বসন্ত কুঞ্জ দক্ষিণ আৰক্ষীয়ে মৃতদেহবোৰ মৰণোত্তৰ পৰীক্ষাৰ বাবে প্ৰেৰণ কৰিছে আৰু তদন্ত আৰম্ভ কৰিছে।

৫০ বছৰীয়া হীৰা লালে তেওঁৰ পৰিয়ালৰ সৈতে ৰংপুৰী গাঁৱৰ এটা ভাড়াঘৰত বাস কৰিছিল। ইতিমধ্যে তেওঁৰ পত্নীয়ে মৃত্যুবৰণ কৰিছে। তেওঁলোকৰ কন্যা ৪জনী হৈছে- নীতু (১৮), নিশি (১৫), নীৰু (১০) আৰু নিধি (৮)। ৪ জনী ছোৱালীয়েই বিশেষভাৱে সক্ষম হোৱাৰ বাবে খোজ কাঢ়িব পৰা নাছিল।

বসন্ত কুঞ্জৰ স্পাইনেল ইনজুৰী হস্পিটেলত কাঠমিস্ত্ৰী হিচাপে কাম কৰা হীৰা লাল নিজৰ ছোৱালী কেইজনীৰ যত্নৰ বাবে দায়বদ্ধ আছিল। শুক্ৰবাৰে, হীৰা লালৰ ফ্লেটৰ পৰা দুৰ্গন্ধ ওলাবলৈ আৰম্ভ কৰে। এই সন্দৰ্ভত, ৰাস্তাৰ সিপাৰে থকা ঘৰৰ এগৰাকী ব্যক্তিয়ে আৰক্ষীক ফোন কৰে আৰু গোন্ধৰ বিষয়ে অৱগত কৰে।

যেতিয়া বসন্ত কুঞ্জ দক্ষিণ আৰক্ষী ফ্লেটটোত উপস্থিত হয়, তেতিয়া ওচৰৰ লোকসকলে আৰক্ষীক কয় যে, পৰিয়ালটোক কেইবাদিনো দেখা পোৱা নাছিল। যেতিয়া পুলিচে ঘৰৰ মালিক আৰু স্থানীয় লোকৰ উপস্থিতিত দুৱাৰখন ভাঙে, তেতিয়া ভিতৰৰ পৰা এক ভয়ংকৰ গোন্ধ আহিবলৈ ধৰে। যেতিয়া পুলিচে কোঠাটোত প্ৰৱেশ কৰে, হীৰা লালৰ মৃতদেহটো প্ৰথম কোঠাটোৰ বিচনাত পৰি আছিল। আন এটা কোঠাত, চাৰিজনী ছোৱালীৰ মৃতদেহ বিচনাত পৰি আছিল।

আৰক্ষীয়ে কি কয়?

এফএছএল দলটোক ঘটনাস্থলীৰ পৰা প্ৰমাণ সংগ্ৰহ কৰিবলৈ মাতি অনা হৈছিল। সূত্ৰঅনুসৰি, পৰিয়ালটোৱে বিষ সেৱন কৰি আত্মহত্যা কৰিছিল। আৰক্ষীয়েও এই সন্দৰ্ভত প্ৰমাণ পাইছে। আৰক্ষীয়ে দিল্লীত বাস কৰা হীৰা লালৰ জ্যেষ্ঠ ভাতৃ যোগিন্দৰক এই ঘটনাটোৰ বিষয়ে অৱগত কৰে। অৱশ্যে, আৰক্ষীয়ে এতিয়ালৈকে কোনো চুইচাইড নোট পোৱা নাই।

এটা ঘৰৰ পৰা পাঁচটা মৃতদেহ পোৱাৰ পিছত, এই ঘটনাটোৱে বুৰাৰী আত্মহত্যাৰ ঘটনাৰ কথা মনত পেলাই দিয়ে। ২০১৮ চনৰ ১ জুলাইত বুৰাৰীত সংঘটিত ঘটনাই সমগ্ৰ দেশক জোকাৰি গৈছিল। য’ত একেটা পৰিয়ালৰ ১১ জন লোকে আত্মহত্যা কৰিছিল।