দিল্লী বিধানসভা নিৰ্বাচনক লৈ ৰাজনৈতিক দলসমূহৰ মাজত বৃদ্ধি পাইছে তৎপৰতা। ৰাষ্ট্ৰীয় সংবাদ মাধ্যমে প্ৰকাশ কৰা বাতৰি অনুসৰি, কেন্দ্ৰীয় নিৰ্বাচন আয়োগে ৭ বা ৮ জানুৱাৰীত দিল্লী নিৰ্বাচনৰ তাৰিখ ঘোষণা কৰিব পাৰে।
লগতে উল্লেখ কৰিছে যে ফেব্ৰুৱাৰী মাহৰ দ্বিতীয় সপ্তাহত দিল্লীত নিৰ্বাচন অনুষ্ঠিত হ’ব আৰু ১৫ ফেব্ৰুৱাৰীৰ পিছত ফলাফল প্ৰকাশ পোৱাৰ সম্ভাৱনা আছে।
এক নিৰ্ভৰযোগ্য সূত্ৰৰ উদ্ধৃতি দি প্ৰকাশ কৰিছে যে দিল্লীত ১১ৰ পৰা ১৩ ফেব্ৰুৱাৰীৰ ভিতৰত এটা পৰ্যায়তে নিৰ্বাচন অনুষ্ঠিত হ’ব। ১৫ বা ১৬ ফেব্ৰুৱাৰীত ভোটগণনা হোৱাৰ সম্ভৱনা আছে। অৰ্থাৎ এক প্ৰকাৰে দিল্লী বিধানসভা নিৰ্বাচনৰ বাবে কেন্দ্ৰীয় নিৰ্বাচন আয়োগৰ প্ৰস্তুতি প্ৰায় চূড়ান্ত পৰ্যায়ত উপনীত হৈছে।
কেন্দ্ৰীয় নিৰ্বাচন আয়োগে অহা ৬ জানুৱাৰীৰ ভিতৰত দিল্লীত নতুন ভোটাৰ তালিকা প্ৰকাশ কৰিব। অৰ্থাৎ এই ক্ষেত্ৰত দিল্লীত নতুন চৰকাৰ গঠন সম্পৰ্কীয় ছবিখন ফেব্ৰুৱাৰীৰ তৃতীয় সপ্তাহৰ ভিতৰত স্পষ্ট হ’ব পাৰে।
