তিৰুমালা তিৰুপতি মন্দিৰলৈ ১৪০ কোটি টকাৰ ১২১ কেজি সোণ দান কৰিছে এগৰাকী ভক্তই। তিৰুপতি মন্দিৰ পৰিদৰ্শন কৰা ভক্তসকলে নিজৰ সামৰ্থ্য অনুযায়ী ধন আগবঢ়ায়। আম্বানীৰ দৰে বৃহৎ ব্যৱসায়ীয়েও সোণ আৰু হীৰাৰ গহনা দান কৰিছে এই মন্দিৰত।
এনে পৰিস্থিতিত সকলোকে আচৰিত কৰি এই মন্দিৰত এগৰাকী ভক্তই ১২১ কেজি সোণ দান কৰিছে, যাৰ মূল্য ১৪০ কোটি টকা বুলি কোৱা হয়। একে সময়তে এই তথ্য অন্ধ্ৰ প্ৰদেশৰ মুখ্যমন্ত্ৰী চন্দ্ৰবাবু নাইডুৱে সামাজিক মাধ্যমত শ্বেয়াৰ কৰিছিল।
অন্ধ্ৰ প্ৰদেশৰ গুণ্টুৰ জিলাৰ মংগলাগিৰিত দৰিদ্ৰতা নিৰ্মূল প্ৰকল্পৰ সৈতে জড়িত এক কাৰ্যসূচীৰ আয়োজন কৰা হয়, য’ত মুখ্যমন্ত্ৰী নাইডুৱেও অংশগ্ৰহণ কৰে।
অন্ধ্ৰ প্ৰদেশৰ মুখ্যমন্ত্ৰী চন্দ্ৰবাবু নাইডুৱে অনুষ্ঠানত অংশগ্ৰহণ কৰি ভাষণ প্ৰদান কৰে। তেওঁ কয় যে, এগৰাকী ভক্তই তিৰুপতিত নিজৰ ব্যৱসায় আৰম্ভ কৰিবলৈ প্ৰাৰ্থনা কৰিছিল। তাৰপিছত তেওঁ নিজৰ ব্যৱসায় আৰম্ভ কৰিছিল আৰু তাত সফলতা লাভ কৰিছিল। লগতে তেওঁৰ কোম্পানীৰ শ্বেয়াৰ বিক্ৰী কৰি ৬,০০০ৰ পৰা ৭,০০০ কোটি টকা লাভ কৰে। যাৰ বাবে ভগবানৰ ওচৰত ধন্যবাদস্বৰূপে ১২১ কেজি সোণ আগবঢ়ায়।
