ভাৰতৰ বিৰুদ্ধে খেলিবলগীয়া টেষ্ট শৃংখলাৰ পঞ্চম তথা অন্তিমখন টেষ্ট মেচৰ বাবে ঘৰুৱা দল ইংলেণ্ডে ঘোষণা কৰিছে মূল একাদশ। অতি আশ্বৰ্ষকৰ কথা এয়াই যে অন্তিমখন মেচৰ বাবে মূল একাদশৰ পৰা বাহিৰ হৈছে ইংলেণ্ড দলৰ অধিনায়ক বেন ষ্টোকছ।
ষ্টোকছৰ ঠাইত অন্তিমখন টেষ্টত অ’লি পোপে দলক নেতৃত্ব প্ৰদান কৰিব। মূল একাদশত ষ্টোকছৰ ঠাইত দলত স্থান দিয়া হৈছে যুৱ বেটাৰ জেকব বেথালক। ষ্টোকছৰ উপৰি অন্তিমখন টেষ্টত মূল একাদশৰ পৰা বাহিৰ হৈছে স্পিন অলৰাউণ্ডাৰ লিয়াম ডছনো বাহিৰ হৈছে।
উল্লেখ্য যে ভাৰত আৰু ইংলেণ্ডৰ মাজত পঞ্চমখন টেষ্ট মেচ ৩১ জুলাইৰ পৰা ৪ আগষ্টলৈ লণ্ডনৰ কেনিংটন অ’ভেলত অনুষ্ঠিত হ’ব। এই টেষ্ট মেচৰ বাবে ইংলেণ্ডে নিজৰ মূল একাদশত চাৰিজন বেগী বলাৰক অন্তৰ্ভুক্ত কৰিছে।
আচৰিত কথাটো হ’ল অন্তিমখন মেচত ইংলিছ দলত কোনো এঝন স্পিনাৰকে স্থান দিয়া হোৱা নাই। একে সময়তে ভাৰতীয় দলটোৱে এই মেচখনত তিনিজন স্পিনাৰৰ সৈতে খেলপথাৰত অতীৰ্ণ হ’ব বুলিও খবৰ আহিছে।
ইংলেণ্ডৰ বেগী বলাৰ জোফ্ৰা আৰ্চাৰো পঞ্চম টেষ্টৰ পৰা বাহিৰ হৈছে। তেওঁৰ ঠাইত যুৱ বেগী বলাৰ জোছ টঙক মূল একাদশত অন্তৰ্ভুক্ত কৰা হৈছে। পঞ্চম টেষ্টৰ পৰা মুঠ চাৰিগৰাকী খেলুৱৈ বাদ পৰিছে। ইয়াৰ ভিতৰত আছে দ্ৰুত বলাৰ জোফ্ৰা আৰ্চাৰ আৰু ব্ৰাইডন কাৰ্ছ, অধিনায়ক বেন ষ্টোকছ আৰু স্পিন অল ৰাউণ্ডাৰ লপিয়াম ডছন। এই চাৰিজনৰ ঠাইত জেকব বেথাল, গাছ এটকিনছন, জেমী অভাৰটন আৰু জোছ টঙক মূল একাদশত অন্তৰ্ভুক্ত কৰা হৈছে।
পঞ্চম টেষ্টৰ বাবে ইংলেণ্ডৰ মূল একাদশ – জেক ক্ৰ’লি, বেন ডাকেট, অলি পোপ (অধিনায়ক), জো ৰুট, হেৰী ব্ৰুক, জেকব বেথাল, জেমী স্মিথ (উইকেটকীপাৰ), ক্ৰিছ ৱোকছ, গাছ এটকিনছন, জেমী অভাৰটন আৰু জোছ টং।
উল্লেখ্য যে, পাঁচখন মেচৰ টেষ্ট শৃংখলাত ইংলেণ্ড ২-১ ব্যৱধানত অগ্ৰগতি লাভ কৰি আছে।
