পেট্ৰলত ইথানল মিহলোৱাৰ বিষয়টো এতিয়া আদালততো উপনীত হৈছে। সমগ্ৰ দেশতে ২০ শতাংশ ইথানল মিশ্ৰিত পেট্ৰ’ল (ইবিপি-২০) ৰূপায়ণক প্ৰত্যাহ্বান জনাই সোমবাৰে উচ্চতম ন্যায়ালয়ে শুনানি গ্ৰহণ কৰিব।
আবেদনখনত অভিযোগ কৰা হৈছে যে লাখ লাখ বাহনৰ মালিকে কয় যে, তেওঁলোকক যি ইন্ধন ব্যৱহাৰ কৰিবলৈ বাধ্য হৈছে, সেয়া তেওঁলোকৰ বাহনৰ বাবে উপযোগী নহয়। এই পিআইএলটো ১ ছেপ্টেম্বৰত মুখ্য ন্যায়াধীশ বি.আৰ. গাভাই শুনানি প্ৰদান কৰিব।
অধিবক্তা অক্ষয় মালহোত্ৰাই দাখিল কৰা আবেদনত পেট্ৰলিয়াম আৰু প্ৰাকৃতিক গেছ মন্ত্ৰালয়ক সকলো পেট্ৰ’ল পাম্পতে ইথানলমুক্ত পেট্ৰ’ল উপলব্ধ কৰিবলৈ নিৰ্দেশ দিবলৈ অনুৰোধ জনাইছে। লগতে কৈছে যে, সকলো পেট্ৰ’ল পাম্প আৰু বিতৰণ ইউনিটত ইথানলৰ পৰিমাণ দেখুওৱা লেবেল বাধ্যতামূলকভাৱে লগোৱাৰ বাবে অনুৰোধ কৰা হৈছে যাতে গ্ৰাহকে স্পষ্টভাৱে জানিব পাৰে। লগতে ইন্ধন ভৰোৱাৰ সময়ত গ্ৰাহকক তেওঁলোকৰ বাহনৰ ইথানলৰ সামঞ্জস্যতাৰ বিষয়ে অৱগত কৰাটো নিশ্চিত কৰিব লাগে।
