GST পৰিষদৰ ৫৬ সংখ্যক বৈঠকত বহু গুৰুত্বপূৰ্ণ সিদ্ধান্ত গ্ৰহণ কৰা হৈছে। দিপাৱালীৰ পূর্বে দেশৰ সাধাৰণ ৰাইজ, ক্ষুদ্ৰ ব্যৱসায়ী, কৃষকলৈ চৰকাৰে দিছে এক বৃহৎ সকাহ৷ GST স্লেবৰ সংখ্যা মাত্ৰ দুটালৈ হ্ৰাস কৰা হৈছে।
এতিয়া ৫ শতাংশ আৰু ১৮ শতাংশতে GST সীমাবদ্ধ থাকিব। সভাত কিছুমান অত্যাৱশ্যকীয় সামগ্ৰী কৰমুক্ত কৰা হৈছে। ৰুটি, পনীৰ, গাখীৰকে ধৰি বহু বস্তু জিৰ’ GST হৈ পৰিছে।
৩ ছেপ্টেম্বৰত বৈঠকৰ অন্তত কেন্দ্ৰীয় বিত্তমন্ত্ৰী নিৰ্মলা সীতাৰমণে GST ৰ পৰিৱৰ্তন সন্দৰ্ভত তথ্য ভাগ-বতৰা কৰে। দৈনিক অত্যাৱশ্যকীয় সামগ্ৰীৰ লগতে ঔষধ আৰু শিক্ষা সম্পৰ্কীয় সামগ্ৰীও কৰমুক্ত কৰা হৈছে। একে সময়তে এনে বহু কথা আছে যাৰ ওপৰত GST হ্ৰাস কৰা হৈছে। ট্ৰেক্টৰৰ কিছু অংশৰ GST ১৮ শতাংশৰ পৰা ৫ শতাংশলৈ হ্ৰাস কৰা হৈছে। পূৰ্বে ট্ৰেক্টৰৰ ওপৰত ১২ শতাংশ কৰ আৰোপ কৰা হৈছিল যদিও এতিয়া মাত্ৰ ৫ শতাংশ কৰ আৰোপ কৰা হ’ব।
বিত্তমন্ত্ৰী নিৰ্মলা সীতাৰমণে কৰ স্লেবৰ পৰিৱৰ্তন সন্দৰ্ভত তথ্য দিওঁতে এনে বস্তুৰ তালিকা শ্বেয়াৰ কৰিছে যাৰ ওপৰত GST আৰোপ কৰা নহ’ব। পূৰ্বতে এইবোৰৰ ওপৰত ৫ৰ পৰা ১৮ শতাংশ GST আৰোপ কৰা হৈছিল যদিও এতিয়া এইবোৰ জিৰ’ GST ত পৰিণত হৈছে।
৩৩বিধ ঔষধৰ GST ১২%ৰ পৰা শূন্যলৈ হ্ৰাস কৰা হৈছে। কৰ্কট আৰু জটিল ৰোগৰ চিকিৎসাৰ বাবে ৩বিধ ঔষধৰ ওপৰত কৰ ৫%ৰ পৰা ০%লৈ হ্ৰাস কৰা হৈছে। ট্ৰেক্টৰ আৰু কৃষিখণ্ডৰ যন্ত্ৰপাতিৰ GST ১২%ৰ পৰা ৫%লৈ হ্ৰাস কৰা হৈছে। ১২বিধ জৈৱ কীটনাশকৰ ওপৰত কৰ ১২%ৰ পৰা ৫%লৈ হ্ৰাস কৰা হৈছে। ১২%ৰ পৰা ৫%লৈ হ্ৰাস পায়। হস্তশিল্প, মাৰ্বল, গ্ৰেনাইট ব্লক আৰু চামৰাৰ সামগ্ৰীৰ GST ১২%ৰ পৰা ৫%লৈ হ্ৰাস কৰা হৈছে। চিমেণ্টৰ ওপৰত কৰ ২৮%ৰ পৰা ১৮%লৈ হ্ৰাস কৰা হৈছে। শিক্ষা সম্পৰ্কীয় সামগ্ৰীসমূহ কৰমুক্ত কৰি শিক্ষাৰ্থীসকলক এক বৃহৎ সকাহ দিছে চৰকাৰে। পেঞ্চিল, ইৰেজাৰ, কাটাৰকে ধৰি এনে বহু বস্তু আছিল যিবোৰত আগতে কৰ আৰোপ কৰা হৈছিল, কিন্তু এতিয়া সেইবোৰ GST ৰ পৰিসৰৰ বাহিৰত থাকিব। পেঞ্চিল, ৰবৰ, কাটাৰ, বহী, গ্ল’ব, মানচিত্ৰ, অনুশীলন কিতাপ, গ্ৰাফ বুকঔষধ আৰু স্বাস্থ্য বীমাৰ ক্ষেত্ৰতো ডাঙৰ পৰিৱৰ্তন আহিব। একে সময়তে স্বাস্থ্য-জীৱন নীতিও GST ৰ পৰিসৰৰ বাহিৰত ৰখা হৈছে। পৰিষদৰ বৈঠকত ৩৩টা জীৱন ৰক্ষাকাৰী ঔষধৰ ওপৰত GST বিলুপ্ত কৰা হৈছে। পূৰ্বে এইবোৰত ১২% কৰ আৰোপ কৰা হৈছিল।
উল্লেখ্য যে দাঁতৰ গুড়ি, গাখীৰৰ বটল, পাকঘৰৰ বাচন-বৰ্তন, ছাতি, চাইকেল, বাঁহৰ আচবাব আৰু কম্বল আদি বস্তুৰ ওপৰত কৰ হাৰ ১২%ৰ পৰা ৫%লৈ হ্ৰাস কৰা হৈছে। শ্বেম্পু, টেলকম পাউদাৰ, টুথপেষ্ট, টুথব্ৰাছ, ফেচ পাউদাৰ, চাবোন আৰু চুলিৰ তেলৰ ওপৰত কৰ হাৰ ১৮%ৰ পৰা ৫%লৈ হ্ৰাস কৰা হৈছে।
