অস্বাস্থ্যকৰ জীৱনশৈলী আৰু খাদ্যাভ্যাসৰ বাবে শৰীৰৰ ওজন বৃদ্ধি হোৱাটো এক সাধাৰণ সমস্যা। ইয়াৰ উপৰিও ডায়েবেটিছ আৰু উচ্চ ৰক্তচাপৰ দৰে ৰোগৰ বাবেও মেদবহুলতা বৃদ্ধি পায়।
বিশেষজ্ঞসকলৰ মতে ৰাতি ৰাতিৰ আহাৰ খোৱাৰ পিছত লগে লগে শুব নালাগে। আচলতে ৰাতি খাদ্য খোৱাৰ লগে লগে শুই দিলে মেদবহুলতা বৃদ্ধি পায় আৰু পাচনতন্ত্ৰতো প্ৰভাৱ পৰে। ৰাতিৰ আহাৰ খোৱাৰ পিছত কি কি ভুলৰ পৰা সাৱধান হব লাগে জানো আহক-
- অধিক পানী খাব নালাগে
শৰীৰক হাইড্ৰেটেত কৰি ৰাখিবলৈ পানী সেৱন কৰাটো অতি প্ৰয়োজনীয়। কিন্তু, খাদ্যগ্ৰহণৰ পিছত পানী সেৱনৰ পূৰ্বে দুবাৰ ভাবিব লাগে। স্বাস্থ্য বিশেষজ্ঞৰ মতে যেতিয়াই খাদ্য শৰীৰত যায় তেতিয়াই হজম হ’বলৈ কমেও দুঘণ্টা সময় লাগে। এই সময়ত পানী খালে হজম শক্তিত প্ৰভাৱ পৰে। গতিকে খাদ্য খোৱাৰ অন্ততঃ ৪৫ৰ পৰা ৬০ মিনিটৰ পিছত পানী সেৱন কৰিব লাগে।
- খোৱাৰ পিছত লগে লগে শুই যোৱা
খাদ্য খোৱাৰ লগে লগে শুলে খাদ্য সঠিকভাৱে হজম নহয়, যাৰ বাবে ওজন বৃদ্ধি, এচিড ৰিফ্লাক্স আৰু হজম শক্তিৰ লগত জড়িত সমস্যা যেনে হাৰ্টবাৰ্ণ, গেছৰ এচিডিটি, পেট ফুলা আদি হ’বলৈ আৰম্ভ কৰে। খাদ্য খোৱা আৰু শুই থকাৰ মাজত কমেও ৩ৰ পৰা ৪ ঘণ্টাৰ ব্যৱধান থকাটো প্ৰয়োজনীয়।
- কেফেইন সেৱন
কিছুমান মানুহ চাহ-কফিৰ প্ৰতি ইমানেই আকৰ্ষিত যে তেওঁলোকে ৰাতিপুৱা আৰু গধূলি দুয়োটা সময়তে সেৱন কৰি ভাগৰ দূৰ কৰে। আনকি খোৱাৰ লগে লগে চাহ-কফি সেৱন কৰে। কেফেইন, যিটো প্ৰায়ে কফি আৰু চাহৰ দৰে পানীয়ত পোৱা যায়। বিশেষজ্ঞসকলৰ মতে খাদ্য খোৱাৰ লগে লগে কেফেইন সেৱন কৰিলে পাচনতন্ত্ৰ নষ্ট হ’ব পাৰে। শৰীৰে খাদ্য হজম কৰিব নোৱাৰে, যাৰ বাবে গেছ-এচিডিটিৰ দৰে সমস্যাৰ সৃষ্টি হ’বলৈ আৰম্ভ কৰে। ইয়াৰ লগতে ওজনো বাঢ়িবলৈ আৰম্ভ কৰে।
- ৰাতিৰ আহাৰ দেৰিকৈ খাব
বেছিভাগ মানুহেই ৰাতিৰ আহাৰ দেৰিকৈ খোৱাৰ ভুল কৰে। আচলতে দিনটোৰ কাম শেষ কৰি থাকোঁতে মানুহে প্ৰায়ে দেৰি কৰে বা কেতিয়াবা মানুহৰ দেৰিকৈ খোৱাৰ অভ্যাস থাকে। এনে পৰিস্থিতিত মানুহে খোৱাৰ লগে লগে শুই পৰে। এইটোৱেই আটাইতকৈ ডাঙৰ ভুল, যাৰ ফলত আপোনাৰ ওজন বৃদ্ধি পায়। শুই উঠাৰ কমেও ২-৩ ঘণ্টা আগতে ৰাতিৰ আহাৰ খাব লাগে, যাতে আপোনাৰ পাচনতন্ত্ৰই খাদ্য হজম কৰিবলৈ পৰ্যাপ্ত সময় পায়। গতিকে ৰাতি ৭-৮ বজাৰ ভিতৰত ৰাতিৰ আহাৰ খাই ১০-১১ বজাৰ ভিতৰত শুব লাগে, যাতে ৰাতিপুৱা সময়মতে সাৰ পাব পাৰে।
ৰাতিৰ আহাৰ গ্ৰহণৰ পিছত এইবোৰ যত্ন লওক-
– যদি পলমকৈ খোৱাটো আপোনাৰ বাধ্যবাধকতা, তেন্তে মনত ৰাখিব যে আপুনি এনে খাদ্য খায় যিবোৰ সহজে হজম হ’ব পাৰে। ৰাতিৰ আহাৰত আঁহৰ পৰিমাণ বেছি ৰাখিব লাগে। ৰাতিৰ আহাৰত শাক-পাচলি আৰু চালাড অন্তৰ্ভুক্ত কৰিব লাগে যাতে খাদ্য হজম কৰাত কোনো সমস্যা নহয়।
– ৰাতিৰ আহাৰ খোৱাৰ পিছত কিছুদূৰ খোজ কাঢ়িব লাগে।
