ঔষধি গুণেৰে সমৃদ্ধ তুলসীৰ পাত কেৱল আপোনাৰ স্বাস্থ্যৰ বাবেই নহয়, আমাৰ ছালৰ বাবেও এক আশীৰ্বাদ হিচাপে প্ৰমাণিত হ’ব পাৰে। তুলসীৰ পাত সঠিকভাৱে ব্যৱহাৰ কৰিলে গ্ল’য়িং ছাল পাব পাৰি।
জানো আহক পুষ্টিকৰ তুলসীৰ পাতৰ পৰা ফেচ মাস্ক তৈয়াৰ কৰাৰ অতি সহজ উপায় আৰু কিছুমান আচৰিত উপকাৰৰ বিষয়ে-
ফেচ পেক কেনেকৈ বনাব পাৰি-
প্ৰথমে তুলসীৰ পাত ৮-১০ টা ভালদৰে ধুই চাফা কৰিব লাগিব। এতিয়া তুলসীৰ পাতখিনি মিহিকৈ পিহি লব লাগিব। এটা বাটিত পিহি লোৱা তুলসীৰ পাত আৰু এচামুচ দৈ উলিয়াই লব লাগিব। তাৰ পিছত এই দুয়োটা প্ৰাকৃতিক বস্তু ভালদৰে মিহলাই ল’ব লাগিব। ইয়াৰ পিছতেই এই প্ৰাকৃতিক ফেচ পেক ব্যৱহাৰৰ বাবে সাজু হৈ উঠিব।
ছালৰ যত্নৰ ৰুটিনত কেনেকৈ অন্তৰ্ভুক্ত কৰিব পাৰি-
এই ফেচ পেকটো গোটেই মুখমণ্ডল আৰু ডিঙিৰ অংশত লগাব লাগিব। এই ফেচ পেকটো ২০ মিনিটমান পিন্ধি ৰাখিলে ভাল ফলাফল পাব। তাৰ পিছত মুখখন ধুব পাৰিব। মুখ ধুবলৈ কুহুমীয়া পানী ব্যৱহাৰ কৰিব লাগে। কিন্তু এই ফেচ পেকটো গোটেই মুখত লগোৱাৰ আগতে পেচ টেষ্ট কৰিবলৈ পাহৰিব নালাগে।
ছালৰ বাবে উপকাৰিতা-
এই ফেচ পেকৰ সহায়ত ছালত থকা মৃত কোষবোৰ আঁতৰাই পেলাব পাৰি। যদি আপুনি আপোনাৰ ছালত প্ৰাকৃতিক গ্লো পাব বিচাৰে, তেন্তে আপুনি এই ফেচ পেকটো ব্যৱহাৰ কৰিবলৈ আৰম্ভ কৰিব পাৰে। এই ৰাসায়নিক মুক্ত ফেচ পেক ব্যৱহাৰ কৰিও দাগ আৰু পিম্পলৰ সমস্যা দূৰ কৰিব পাৰি। ভাল ফলাফল পাবলৈ এই ফেচ পেক সপ্তাহত এবাৰ বা দুবাৰ ব্যৱহাৰ কৰিব পাৰে।
