২০২৪ বৰ্ষৰ বাবে আন্তঃৰাষ্ট্ৰীয় ক্ৰিকেট পৰিষদে ঘোষণা কৰিলে টেষ্ট দল। দলটোত যশপ্ৰীত বুমৰাহৰ লগতে যশস্বী জয়ছৱাল আৰু ৰবীন্দ্ৰ জাদেজাই স্থান লাভ কৰিছে। দলটোত ইংলেণ্ডৰ চাৰিজন খেলুৱৈয়ে স্থান লাভ কৰাৰ বিপৰীতে কেন উইলিয়ামছনেও স্থান লাভ কৰাত সফল হৈছে।
এই দলৰ অধিনায়ক হিচাপে নিৰ্বাচিত হৈছে অষ্ট্ৰেলিয়াৰ অধিনায়ক পেট কামিন্স।
আই চি চিয়ে ঘোষণা কৰা দলটোত স্থান লাভ কৰা তিনিওজন ভাৰতীয়ই যোৱা বছৰ উজ্বল প্ৰদৰ্শন আগবঢ়াইছিল।
যোৱা বছৰটোত জয়ছৱালে ৫৪.৭৪ গড়ে মুঠ ১,৪৭৮ ৰান সংগ্ৰহ কৰিবলৈ সক্ষম হৈছিল। বছৰটোত সৰ্বাধিক ৰান সংগ্ৰহকাৰীৰ ক্ষেত্ৰত জয়ছৱালতকৈ আগত আছিল কেৱল ইংলেণ্ডৰ জ’ ৰুট।
ইফালে ২০২৪ চনত বুমৰাহে ১৪.৯২ গড়ে ৭১টা উইকেট দখল কৰে। টেষ্ট ইতিহাসত ২০তকৈ কম গড়ত ২০০ উইকেট দখল কৰা প্ৰথমজন বেগী বলাৰ হিচাপেও পৰিগণিত হয় বুমৰাহ।
আনহাতে যোৱা বছৰ জাদেজাই ২৯.২৭ গড়ে ৫২৭ ৰান সংগ্ৰহ কৰাৰ লগতে ২৪.২৯ গড়ে ৪৮টা উইকেট দখল কৰিছিল। এই প্ৰদৰ্শনৰ ভিত্তিতে তেওঁ আইচিচিৰ ২০২৪ বৰ্ষৰ টেষ্ট দলত স্থান লাভ কৰে।
পেট কামিন্স (অধিনায়ক), যশশ্বী জয়ছৱাল (ভাৰত), কেন উইলিয়ামছন (নিউজিলেণ্ড), জ’ ৰুট (ইংলেণ্ড), হেৰী ব্ৰুক (ইংলেণ্ড), কামিন্দু মেণ্ডিছ, জেমী স্মিথ (উইকেটকীপাৰ, ইংলেণ্ড), ৰবীন্দ্ৰ জাদেজা (ভাৰত), মেট হেনৰী (নিউজিলেণ্ড), যশপ্ৰীত বুমৰাহ (ভাৰত)
