ছিৰিয়াত হোৱা অভ্যুত্থান সন্দৰ্ভত ভাষণ প্ৰদান কৰে ইৰাণৰ উচ্চতম নেতা আয়াতুল্লাহ আলী খামিনিই। তেওঁ আমেৰিকা আৰু ইজৰাইলৰ বিৰুদ্ধে আছাদ চৰকাৰৰ বিৰুদ্ধে ষড়যন্ত্ৰ কৰাৰ অভিযোগ উত্থাপন কৰে।
খামিনিয়েই কয় যে, ছিৰিয়াত যিয়েই নহওক কিয়, সেয়া আমেৰিকা আৰু ইজৰাইলৰ ষড়যন্ত্ৰৰ অংশ বুলি কোনেও সন্দেহ কৰা উচিত নহয়।
ভাষণত ইৰাণৰ উচ্চতম নেতাই চুবুৰীয়া দেশ ছিৰিয়াক লক্ষ্য কৰি আমেৰিকা আৰু ইজৰাইলক মূল ষড়যন্ত্ৰকাৰী বুলি অভিহিত কৰিছে।
ইৰাণৰ উচ্চতম নেতা খামিনিয়ে কয় যে, তেওঁলোকৰ হাতত ইয়াৰ প্ৰমাণ আছে, যিয়ে কাৰো বাবে সন্দেহৰ কোনো পৰিসৰ এৰি নিদিয়ে। এই সমগ্ৰ কাণ্ডৰ সময়ছোৱাত ইৰাকে ইৰাণৰ সৈতে অহৰহ যোগাযোগ ৰাখিছে আৰু ইৰাণৰ সিদ্ধান্তৰ বাবেও অপেক্ষা কৰি আছে।
২৭ নৱেম্বৰৰ পৰা ছিৰিয়াত চলি থকা পৰিস্থিতিৰ বাবে তুৰস্কৰ বিৰুদ্ধে নিৰন্তৰ অভিযোগ উত্থাপন হৈ আহিছে যদিও খামিনিৰ ভাষণৰ পিছত সন্দেহৰ বেজীও জৰ্ডানৰ ফালেলৈ গৈছে।
মধ্যপ্ৰাচ্যৰ আৰব দেশসমূহৰ ভিতৰত ইজৰাইল একমাত্ৰ ইহুদী দেশ।এপ্ৰিল মাহত যেতিয়া ইৰাণে ছিৰিয়াত থকা নিজৰ দূতাবাসৰ ওচৰত হোৱা আক্ৰমণৰ প্ৰতিক্ৰিয়া স্বৰূপে ইজৰাইলৰ বিৰুদ্ধে ব্যৱস্থা গ্ৰহণ কৰিছিল, তেতিয়া জৰ্ডানে নিৰাপত্তাৰ ঢাল হিচাপে থিয় দিছিল।
ইৰাণে নিক্ষেপ কৰা অধিকাংশ ড্ৰোন আৰু মিছাইল জৰ্ডানে নিজৰ আকাশমাৰ্গৰ ভিতৰতে নিক্ষেপ কৰিছিল। ১ অক্টোবৰত যেতিয়া ইৰাণে ইজৰাইলৰ ওপৰত প্ৰায় ১৮০টা বেলিষ্টিক মিছাইল নিক্ষেপ কৰিছিল, তেতিয়াও জৰ্ডানে নিজৰ সীমান্তৰ ভিতৰতে সেইবোৰক বাধা দিবলৈ চেষ্টা কৰিছিল।
ইফালে জৰ্ডানৰ ৰজা দ্বিতীয় আব্দুল্লাক আমেৰিকাৰ ঘনিষ্ঠ বুলি গণ্য কৰা হয় আৰু তেওঁ ইজৰাইলক মুকলিকৈ সহায় কৰি আহিছে। প্ৰায় ১.২৫ বিলিয়ন জনসংখ্যাৰ চুন্নী প্ৰধান আৰব দেশ জৰ্ডানতো আমেৰিকাৰ সামৰিক ঘাটি আছে যদিও আচৰিত কথাটো হ’ল যে ই পেলেষ্টাইনীসকলৰ অধিকাৰৰ পোষকতা কৰি আহিছে।
জৰ্ডানত ছিৰিয়া আৰু পেলেষ্টাইনী শৰণাৰ্থীৰ সংখ্যা লাখ লাখ। ইৰাক যুদ্ধ, ছিৰিয়াৰ গৃহযুদ্ধ আৰু পেলেষ্টাইনৰ ওপৰত ইজৰাইলে আক্ৰমণৰ ফলত জৰ্ডানত শৰণাৰ্থীৰ সংখ্যা তাত থকা থলুৱা জনসংখ্যাৰ প্ৰায় সমান হৈছে। অনুমান কৰা হৈছে যে, জৰ্ডানৰ ১ কোটি ১৫ লাখ জনসংখ্যাৰ ভিতৰত প্ৰায় ৩৫ লাখ পেলেষ্টাইনী শৰণাৰ্থী আৰু ১০ লাখ ছিৰিয়ান শৰণাৰ্থী আছে।
আকৌ তুৰস্ক হৈছে ছিৰিয়াৰ চুবুৰীয়া দেশ আৰু ছিৰিয়াই ইয়াৰ সৈতে ৯০৯ কিলোমিটাৰ দৈৰ্ঘ্যৰ আটাইতকৈ দীঘলীয়া সীমান্ত ভাগ কৰে। জৰ্ডানৰ দৰে তুৰস্কও চুন্নী সংখ্যাগৰিষ্ঠ দেশ।
পেলেষ্টাইনৰ বিষয়ত ইজৰাইলক আক্রমণ কৰি আহিছে যদিও ইজৰাইলে গাজাত আক্রমণ কৰাৰ পাছতো টেল আভিভৰ সৈতে বাণিজ্যিক সম্পর্ক অক্ষুণ্ণ ৰখাৰ অভিযোগ উত্থাপন হৈছে ৷
দৰাচলতে তুৰস্কত প্ৰায় ৩২ লাখ ছিৰিয়ান শৰণাৰ্থীয়ে বাস কৰে, যি দেশখনৰ বাবে এক বৃহৎ স্থানীয় সংকটত পৰিণত হৈছে। ইয়াৰ উপৰিও ছিৰিয়াৰ সীমান্তত উপস্থিত কুৰ্দি যোদ্ধাসকলো ইয়াৰ বাবে এক ডাঙৰ ভাবুকি হৈয়ে আছে।
