চলিত বৰ্ষৰ ছৈয়দ মুস্তাক আলী ট্ৰফীৰ দ্বিতীয়খন ছেমি ফাইনেলত মধ্য প্ৰদেশে দিল্লীক পৰাস্ত কৰি ফাইনেলত প্ৰৱেশ কৰিছে। এতিয়া প্ৰতিযোগিতাখনৰ ফাইনেলখন অহা ১৫ ডিচেম্বৰত মুম্বাই আৰু মধ্যপ্ৰদেশৰ মাজত অনুষ্ঠিত হ’ব।
অধিনায়ক ৰজত পাটিদাৰে মধ্য প্ৰদেশক জয়ী কৰোৱাত গুৰুত্বপূৰ্ণ ভূমিকা পালন কৰিছিল। তেওঁ ২২৭.৫৯ ষ্ট্ৰাইক ৰেটৰ সহায়ত অপৰাজিত ৬৬ ৰানৰ এক দুৰ্দান্ত ইনিংছ খেলে।
খেলখনত মধ্য প্ৰদেশে টছত জয়লাভ কৰি বলিং কৰাৰ সিদ্ধান্ত লয়। তাৰ পিছত লক্ষ্যৰ পিছা কৰিবলৈ আহি দলটোৱে একপক্ষীয়ভাৱে বিজয় সাব্যস্ত কৰে। মেচখনত মধ্য প্ৰদেশে ৭ উইকেটত জয়লাভ কৰে।
খেলখনত প্ৰথমে বেটিং কৰিবলৈ অহা দিল্লীয়ে নিৰ্ধাৰিত ২০ অভাৰত ১৪৬/৫ ৰান সংগ্ৰহ কৰে। এই সময়ছোৱাত অনুজ ৰাৱটে দলৰ হৈ সৰ্ববৃহৎ ইনিংছ খেলিছিল, ৩টা চাৰি আৰু ১টা ছয়ৰ সহায়ত ২৪টা বলত ৩৩ ৰানৰ অপৰাজিত ইনিংছ কেলিছিল। এই সময়ছোৱাত ভেংকটেশ আয়েৰে সৰ্বাধিক ২টা উইকেট দখল কৰে।
