সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
এসপ্তাহৰ ভিতৰতে দুবাৰকৈ বৃদ্ধি পেট্ৰ’ল-ডিজেলৰ দাম। প্ৰতি লিটাৰ পেট্ৰ’ল আৰু ডিজেলত বৃদ্ধি পালে ৯০ পইচাকৈ। আজিৰ দিনটোত গুৱাহাটীত পেট্ৰ’লৰ দাম ১০২.১৬ টকা। প্ৰতি লিটাৰ ডিজেলত দাম হৈছেগৈ ৯৩.৪৫ টকা। ইন্ধনৰ দাম বৃদ্ধিক লৈ ৰাইজৰ মাজত হাহাকাৰময় পৰিস্থিতিৰ সৃষ্টি।
পশ্চিমবংগত অব্যাহত বুলড’জাৰ এক্সন। শুভেন্দু অধিকাৰী চৰকাৰে আৰম্ভ কৰিলে বুলড’জাৰ এক্সন। হাওৰা ষ্টেশ্যনৰ বাহিৰত অবৈধ অনুপ্ৰৱেশকাৰীৰ ভাঙি পেলালে বস্তি। গংগা ঘাট আৰু বাছ আস্থানত নিশা চলিল বুলড’জাৰ এক্সন। ১৫ বছৰে মমতাৰ নাম লৈ পদপথ দখল কৰি থকা অবৈধ দোকান উচ্ছেদ কৰা হৈছে।
মূল্যবৃদ্ধিক লৈ কঠোৰ মুখ্যমন্ত্ৰী হিমন্ত বিশ্ব শৰ্মা। অস্বাভাৱিক মূল্যবৃদ্ধি কৰিলেই বিপদ নিশ্চিত ব্যৱসায়ীৰ।গ্ৰাহকক মূল্যবৃদ্ধিৰে হাৰাশাস্তি কৰিলেই বাতিল হ’ব ট্ৰেড লাইসেন্স। বজাৰৰ সন্তুলন ব্যৱস্থা অব্যাহত ৰখা আৰু যিকোনো অস্বাভাৱিক মূল্যবৃদ্ধি ৰোধ কৰাৰ বাবে কেতবোৰ নির্দেশনা প্রদান কৰিছে চৰকাৰে।
মছজিদত ভয়ংকৰ আক্ৰমণৰ ঘটনা। নামাজ পঢ়িবলৈ অহা লোকে হেৰুৱালে জীৱন। দুৰ্বৃত্তৰ গুলীবৰ্ষণত ৩ জন লোকৰ মৃত্যু। কেলিফৰ্ণিয়াৰ ছেন ডিয়েগোত এটা মছজিদৰ বাহিৰত হয় এই গুলীচালনা। নামাজ পঢ়াৰ বাবে মছজিদত বহুলোকে ভিৰ কৰাৰ সময়তে এই ঘটনা। এই ঘটনাৰ পিছতে ইছলামিক চেণ্টাৰত থকা শিক্ষানুষ্ঠানত হাহাকাৰ। সকলো শিক্ষাৰ্থীকে সুকলমে উদ্ধাৰ কৰে নিৰাপত্তাৰক্ষীয়ে।
