পুৱাৰ কেইটামান গুৰুত্বপূৰ্ণ খবৰেৰে আজিৰ দিনটো

সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।

• আজি ২য় বাৰৰ বাবে মুখ্যমন্ত্ৰী হিচাপে শপত ল’ব ড০ হিমন্ত বিশ্ব শৰ্মাই। অসমত তৃতীয় কাৰ্যকালৰ শুভাৰম্ভ কৰিব এন ডি এ চৰকাৰে।পুৱা ১১.৪০ বজাত খানাপাৰাত শপত গ্ৰহণ কৰিব হিমন্ত বিশ্ব শৰ্মাই। NDA-শাসিত ৰাজ্যৰ মুখ্যমন্ত্ৰী আৰু উপ-মুখ্যমন্ত্ৰী উপস্থিত থাকিব শপতগ্ৰহণ অনুষ্ঠানত। কেন্দ্ৰীয় চৰকাৰৰ কেইবাগৰাকীও মন্ত্ৰী উপস্থিত থাকিব শপতগ্ৰহণ অনুষ্ঠানত।
• হিমন্ত বিশ্ব শৰ্মাৰ সৈতে শপতগ্ৰহণ কৰিব আন চাৰিগৰাকী নৱনিৰ্বাচিত বিধায়কে। ৰামেশ্বৰ তেলী, অজন্তা নেওগ, অতুল বৰাই কৰিব শপতগ্ৰহণ। বিধানসভাৰ অধ্যক্ষ হব ৰনজিৎ কুমাৰ দাসে। শপত গ্ৰহণ অনুষ্ঠানত উপস্থিত থাকিব প্ৰধানমন্ত্ৰী নৰেন্দ্ৰ মোদী,কেন্দ্ৰীয় গৃহমন্ত্ৰী অমিত শ্বাহে। বিজেপিৰ ৰাষ্ট্ৰীয় সভাপতি নীতিন নবীনো উপস্থিত থাকিব শপতগ্ৰহণ অনুষ্ঠানত। শপতগ্ৰহণৰ বাবে খানাপাৰাত কটকটীয়া কৰা হৈছে নিৰাপত্তা বেষ্টনী।
• আজি নতুন চৰকাৰৰ শপতগ্ৰহণ অনুষ্ঠানত উপস্থিত নাথাকে কংগ্ৰেছৰ এজনো বিধায়ক। কংগ্ৰেছৰ নিৰ্বাচিত কোনো এজন বিধায়কেই অংশগ্ৰহণ নকৰে শপতগ্ৰহণ অনুষ্ঠানত। এই কথা জনালে APCCৰ সভাপতি গৌৰৱ গগৈয়ে।
• চৰকাৰ গঠন কৰি উঠিয়েই ৫টা ডাঙৰ কাম কৰিব ড০ হিমন্ত বিশ্ব শৰ্মাই। সামাজিক মাধ্যমৰ জড়িয়তে ড০ শৰ্মাই উল্লেখ কৰিলে ৫ টা ডাঙৰ ঘোষণা। উন্নত ভৱিষ্যতৰ দিশত অসমক নিবৰ বাবে পুনৰ আৰম্ভ কৰা হ’ব বহু কেইখন অভিলাসী আঁচনি। দহলাখ যুৱক-যুৱতীক আগবঢ়োৱা হ’ব ৫ লাখকৈ টকা। কৰ্ম সংস্থাপন সৃষ্টিৰ বাবে এই পদক্ষেপ গ্ৰহণ কৰাৰ সিদ্ধান্ত।
• দেশত নাটনি হ’ব পাৰে পেট্ৰ’ল-ডিজেলৰ। দেশবাসীলৈ প্ৰধানমন্ত্ৰী মোদীৰ সতৰ্কবাণী। ইয়াৰ বাবে পেট্ৰ’ল-ডিজেল কমকৈ ব্যৱহাৰ কৰাৰ লগতে হিচাপত গেছ ব্যৱহাৰ কৰিবলৈ আহ্বান জনায়। বৈশ্বিক সংকটৰ পৰা পৰিত্ৰাণ পোৱাৰ বাবে আহ্বান মোদীৰ। তেওঁ কয় যে, ভাৰতত কোনো বৃহৎ বৃহৎ তেলৰ কুঁৱা নাই। বৰঞ্চ ভাৰতে পেট্ৰ’ল, ডিজেল আৰু গেছ আন দেশৰ পৰা বৃহৎ পৰিমাণে আমদানি কৰিব লগা হয়। যুদ্ধৰ বাবে বিশ্বজুৰি পেট্ৰ’ল, ডিজেল, গেছ, সাৰৰ দাম যথেষ্ট বৃদ্ধি পাইছে বুলি কয় মোদীয়ে। লগতে ৱৰ্ক ফ্ৰম হোমৰ ব্যৱস্থা কৰিবলৈ আহ্বান প্ৰধানমন্ত্ৰী মোদীৰ।