অসমৰ ছয় জনগোষ্ঠীক জনজাতিৰ মৰ্যাদা প্ৰদানৰ প্ৰক্ৰিয়া খৰতকীয়া কৰিবলৈ কেন্দ্ৰক আহ্বান জনাইছে লোকসভাৰ বিৰোধী উপ-দলপতি গৌৰৱ গগৈয়ে ৷ যোৰহাটৰ সাংসদ গৰাকীয়ে অসমৰ আদিবাসী/চাহ জনজাতি, টাই আহোম, মৰাণ, মটক, চুতীয়া আৰু কোচ-ৰাজবংশী জনগোষ্ঠীক অনুসূচিত জনজাতিৰ কেন্দ্ৰীয় তালিকাত অন্তৰ্ভুক্ত কৰাৰ দাবী জনাই জনগোষ্ঠী ছয়টাক জনজাতিৰ মৰ্যাদা প্ৰদানৰ বিষয়টো পুনৰবাৰ লিখিতভাৱে দাখিল কৰিছে।
এই ছয়টা জনগোষ্ঠীয়ে অনুসূচিত জনজাতিৰ বৈশিষ্ট্যৰ অধিকাৰী হোৱাৰ লগতে আৰু কেইবা দশক ধৰি আৰ্থ-সামাজিকভাৱে পিছপৰি ৰোৱাৰ বাবে অসুবিধাৰ সন্মুখীন হৈছে বুলি সদৰি কৰিছে।
ছয় জনগোষ্ঠীক জনজাতিৰ মৰ্যাদা প্ৰদানৰ বিষয়টো অসমত বিজেপি দলৰ অন্যতম নিৰ্বাচনী ইচ্ছ্যু হৈ আহিছে ৷ উল্লেখযোগ্য যে ২০১৯ চনৰ ৮ জানুৱাৰীত ৰাজ্যসভাত সংবিধান (অনুসূচিত জনজাতি) আদেশ (সংশোধনী) বিধেয়ক, ২০১৯ উত্থাপন কৰা হয়। এই বিধেয়কখনৰ উদ্দেশ্য আছিল অসমৰ অনুসূচিত জনজাতিৰ তালিকা সংশোধন কৰা, বিশেষভাৱে ছয় জনগোষ্ঠীয় জনগোষ্ঠীক অন্তৰ্ভুক্ত কৰা। সংসদত বিধেয়কখন গৃহীত হ’লে অসমৰ পৰা ছয় জনগোষ্ঠীৰ দীৰ্ঘদিনীয়া দাবী পূৰণৰ পথ প্ৰশস্ত হ’ব। ইতিমধ্যে ৰাষ্ট্ৰীয় অনুসূচিত জনজাতি আয়োগেও(NCST) ছয় জনগোষ্ঠীৰ অন্তৰ্ভুক্তিৰ বাবে অনুমোদন জনাইছে।
সাংসদ গৌৰৱ গগৈয়ে উল্লেখ কৰে, “এই গুৰুত্বপূৰ্ণ আইন প্ৰণয়নত পলম হোৱাৰ ফলত এই প্ৰান্তীয় জনগোষ্ঠীসমূহৰ ওপৰত গভীৰ আৰু নেতিবাচক প্ৰভাৱ পৰিছে। ইয়াৰ ফলত এওঁলোকে আৰ্থ-সামাজিক বৈষম্যৰ সন্মুখীন হৈ আহিছে আৰু পৰ্যাপ্ত প্ৰতিনিধিত্ব লাভ কৰাৰ পৰা বঞ্চিত হৈছে। অনুসূচিত জনজাতি হিচাপে স্বীকৃতি দিলে ছয় জনগোষ্ঠীয়ে বহু প্ৰয়োজনীয় সাংবিধানিক সুৰক্ষা, সঁহাৰিমূলক ব্যৱস্থা, চৰকাৰী আঁচনি আৰু সম্পদৰ সুবিধা লাভ কৰিবলৈ সক্ষম হ’ব।’
সেয়ে সাংসদ গৰাকীয়ে এই বিধেয়কখন গৃহীত কৰাৰ ক্ষেত্ৰত খৰতকীয়া ব্যৱস্থা গ্ৰহণ কৰি ইয়াৰ আইনগত প্ৰক্ৰিয়া ত্বৰান্বিত কৰিবলৈ চৰকাৰক টানি অনুৰোধ জনাই কয় যে বিধেয়কখন গৃহীত কৰাত লেহেমীয়া প্ৰক্ৰিয়া অব্যাহত থাকিলে ছয় জনগোষ্ঠীৰ দুখ দুৰ্দশাও অন্ত নপৰিব আৰু Shashwat বাবে আইন অনুযায়ী প্ৰত্যাশা পূৰণৰ বাবে বিধেয়কখন গৃহীত কৰাটোৱেই হ’ব চৰকাৰৰ মূল কাম।
