ভাৰতৰ চুবুৰীয়া দেশ বাংলাদেশে আগন্তুক কেইসপ্তাহমানৰ ভিতৰত এক বৃহৎ ৰাজনৈতিক পৰিৱৰ্তন সাক্ষী হ’ব পাৰে। বাংলাদেশৰ বিখ্যাত সাহিত্যিক তথা সাংবাদিক চালাহুদ্দিন শ্বোৱেইব চৌধুৰীয়ে লিখা এটা প্ৰবন্ধ অনুসৰি, জুলাই মাহৰ শেষৰ ফালে মহম্মদ ইউনুছে নিজকে দেশৰ সৰ্বোচ্চ নেতা বুলি ঘোষণা কৰিব পাৰে, যাৰ বাবে তেওঁ বৰ্তমানৰ বাংলাদেশৰ সংবিধান বিলুপ্ত কৰাৰ পৰিকল্পনা কৰিছে।
দেশৰ বৰ্তমানৰ গণতান্ত্ৰিক ব্যৱস্থাৰ অন্ত পেলাই এখন বিপ্লৱী চৰকাৰ গঠন কৰা, য’ত সেনা, প্ৰশাসন আৰু ন্যায়পালিক সম্পূৰ্ণৰূপে নিয়ন্ত্ৰণ কৰিব, ইউনুছৰ উদ্দেশ্য। শ্বোৱেইব চৌধুৰীৰ দাবী অনুসৰি, ইউনুছৰ ওচৰত আমেৰিকাৰ গভীৰ ৰাষ্ট্ৰৰ সমৰ্থনেই নহয়, পাকিস্তানৰ চোৰাংচোৱা সংস্থা আই এছ আইও এই পৰিকল্পনাৰ অংশ। এই শক্তিসমূহে বাংলাদেশৰ গণতান্ত্ৰিক প্ৰতিষ্ঠানসমূহক দুৰ্বল কৰি তাত ইছলামিক মৌলবাদী শাসন ব্যৱস্থা প্ৰতিষ্ঠা কৰিব বিচাৰে। অৱশ্যে বাংলাদেশ চৰকাৰে ছালাহুদ্দিন শ্বোয়াইব চৌধুৰীৰ এই দাবীক মিছা আখ্যা দিছে।
ইউনুছৰ পৰিকল্পনাৰ আটাইতকৈ চিন্তনীয় অংশটো হ’ল বাংলাদেশৰ কৌশলগত সম্পদ আমেৰিকা আৰু আই এছ আইক গতাই দিয়া। ইয়াৰ মাজতে চিটাগং বন্দৰটো ডি পি ৱৰ্ল্ডক গতাই দিয়াৰ প্ৰস্তুতি চলোৱা হৈছে। ছেইণ্ট মাৰ্টিন দ্বীপত আমেৰিকাৰ সামৰিক ঘাটিৰ অনুমতি দিয়া হ’ব পাৰে।
পাকিস্তানী বা তুৰ্কীৰ এজেণ্টৰ জৰিয়তে লালমনিৰহাট বিমানঘাটি আৰু অস্ত্ৰ-শস্ত্ৰ কাৰখানাৰ নিয়ন্ত্ৰণ আমেৰিকাক গতাই দিয়াৰ চেষ্টা চলাইছে। এই সকলোবোৰ পদক্ষেপে ভাৰতৰ ৰাষ্ট্ৰীয় নিৰাপত্তাৰ বাবে বিশেষকৈ উত্তৰ-পূবৰ ৰাজ্যসমূহৰ বাবে গুৰুতৰ ভাবুকি কঢ়িয়াই আনিব পাৰে।
এনে পৰিস্থিতিত বাংলাদেশৰ সেনা প্ৰধান জেনেৰেল ৱাকাৰ উজ জামানৰ ভূমিকা আটাইতকৈ নিৰ্ণায়ক বুলি ধৰা হয়। যদি সেনাই সময়মতে ইউনুছৰ পৰিকল্পনা অনুসৰি কাম নকৰে তেন্তে দেশখন গৃহযুদ্ধৰ দিশে আগবাঢ়িব। ই হৈ পৰিব বিদেশী শক্তিৰ ৰঙ্গমঞ্চ। ই মৌলবাদৰ গভীৰতালৈ ডুব যাব। দেশৰ সাৰ্বভৌমত্ব, গণতন্ত্ৰ আৰু সামাজিক গাঁথনিৰ ওপৰত এক বৃহৎ সংকটৰ সৃষ্টি হৈছে বুলি সকীয়াই দিছে ছালাহুদ্দিন শ্বোৱেইব চৌধুৰীয়ে।
