জম্মু-কাশ্মীৰৰ ৰাজধানী দেওবাৰে শ্ৰীনগৰৰ বজাৰত গ্ৰেনেড বিস্ফোৰণ সংঘটিত হয়। এই বিস্ফোৰণত কমেও ১৫ জন লোক আহত হোৱাৰ খবৰ পোৱা গৈছে। আহত আটাইকেইজনক ইতিমধ্যে ওচৰৰ চিকিৎসালয়ত ভৰ্তি কৰোৱা হৈছে।
এই বিস্ফোৰণ সংঘটিত হৈছিল পৰ্যটক অভ্যৰ্থনা কেন্দ্ৰ অৰ্থাৎ টি আৰ চিৰ ওচৰত। সন্ত্ৰাসবাদীয়ে টি আৰ চিৰ সমীপত নিৰাপত্তাৰক্ষীৰ বাহনখনলৈ গ্ৰেনেড নিক্ষেপ কৰে।যাৰফলত এই বিস্ফোৰণত ১৫ জন লোক আহত হয়। বিস্ফোৰণৰ পিছতে নিৰাপত্তা বাহিনীয়ে সমগ্ৰ অঞ্চলটো ঘেৰাও কৰি বিভিন্ন স্থানত তালাচী অভিযান আৰম্ভ কৰে।
আহত কেইজন হৈছে মিছবা বয়স প্ৰায় ১৭ বছৰ, আজান কালু বয়স প্ৰায় ১৭ বছৰ, হাবিবুল্লাহ ৰাথেৰ বয়স প্ৰায় ৫০ বছৰ, আলতাফ আহমেদ ছিৰ বয়স প্ৰায় ২১ বছৰ, ফৈজাল আহমেদ বয়স প্ৰায় ১৬ বছৰ, উমৰ ফাৰুক, ফৈজান মুস্তাক , বয়স প্ৰায় ২০ বছৰ, জাহিদৰ বয়স প্ৰায় ১৯ বছৰ, গুলাম মহম্মদ ছফীৰ বয়স প্ৰায় ৫৫ বছৰ আৰু ছুমাইয়া জানৰ বয়স প্ৰায় ৪৫ বছৰ। ইয়াৰে চাৰিজনক প্ৰাথমিক চিকিৎসাৰ অন্তত ঘৰলৈ যাবলৈ দিয়াৰ বিপৰীতে বাকীসকল শ্ৰীনগৰ মেডিকেল চিকিৎসালয়ত চিকিৎসাধীন হৈ আছে।
ইফালে জম্মু-কাশ্মীৰৰ মুখ্যমন্ত্ৰী ওমৰ আব্দুল্লাই এই আক্ৰমণক অত্যন্ত বিৰক্তিকৰ বুলি অভিহিত কৰি কয় যে, জনসাধাৰণৰ সুৰক্ষাৰ বাবে দায়বদ্ধসকলে এই আক্ৰমণসমূহ বন্ধ কৰাৰ বাবে সকলো প্ৰচেষ্টা চলাব লাগে।
আব্দুল্লাই টুইটাৰত লিখিছে যে, বিগত কেইদিনমানৰ পৰা উপত্যকাৰ কিছু অংশত আক্ৰমণ আৰু এনকাউণ্টাৰৰ বাতৰিয়ে শিৰোনাম দখল কৰি আহিছে। শ্ৰীনগৰৰ দেওবাৰৰ বজাৰত নিৰীহ দোকানীৰ ওপৰত গ্ৰেনেড আক্ৰমণৰ আজিৰ খবৰটো অতি আমনিদায়ক। নিৰীহ সাধাৰণ নাগৰিকক লক্ষ্য কৰি লোৱাৰ কোনো ন্যায্যতা থাকিব নোৱাৰে।
