আজিৰ পৰা আৰম্ভ হৈছে শ্ৰীলংকা আৰু অষ্ট্ৰেলিয়াৰ মাজত দুখন মেচৰ টেষ্ট শৃংখলা। গালেত অনুষ্ঠিত হোৱা প্ৰথমখন মেচত অষ্ট্ৰেলিয়াৰ অ’পেনাৰ উছমান খোৱাজাই প্ৰথম দিনাই ইনিংছ মুকলি কৰি ইতিহাস ৰচিবলৈ সক্ষম হয়।
শ্ৰীলংকাত শ্ৰীলংকাৰ বিৰুদ্ধে টেষ্ট ক্ৰিকেটত শতক অৰ্জন কৰা আটাইতকৈ বয়সীয়াল ক্ৰিকেটাৰ হিচাপে পৰিগণিত হৈছে খোৱাজা। তেওঁৰ পূৰ্বে এই বিশেষ কৃতিত্ব পঞ্জীয়ন হৈ আছিল পাকিস্তান ক্ৰিকেট দলৰ প্ৰাক্তন ক্ৰিকেটাৰ ইউনুছ খানৰ নামত। যিয়ে ২০১৫ চনত শ্ৰীলংকাত শ্ৰীলংকাৰ বিৰুদ্ধে ৩৭ বছৰ ২১৫ দিন বয়সত শতক অৰ্জন কৰিছিল।
ইউনুছৰ পিছত এতিয়া খোৱাজাই ৩৮ বছৰ ৪২ দিন বয়সত আয়োজক দলৰ ভূমিত শতক অৰ্জন কৰি এই বিশেষ কৃতিত্ব অৰ্জন কৰিছে।
শ্ৰীলংকাৰ বিৰুদ্ধে শতক অৰ্জন কৰা আটাইতকৈ বয়সীয়াল ক্ৰিকেটাৰ
৩৮ বছৰ আৰু ৪২ দিন – উছমান খোৱাজা – গালে – ২০২৫
৩৭ বছৰ আৰু ২১৫ দিন – ইউনুছ খান – পল্লেকেলে ২০১৫
৩৭ বছৰ আৰু ৯৩ দিন – শচীন তেণ্ডুলকাৰ – কলম্বো – ২০১০
৩৭ বছৰ আৰু ৪৩ দিন – এলান বৰ্ডাৰ – মোৰাটুৱা – ১৯৯২
ইফালে শ্ৰীলংকাৰ বিৰুদ্ধে শ্ৰীলংকাৰ ভূমিত অষ্ট্ৰেলিয়াৰ হৈ ইনিংছ মুকলি কৰি সৰ্বোচ্চ ইনিংছ খেলা দ্বিতীয়গৰাকী বেটছমেনৰূপেও পৰিগণিত হয় খোৱাজা। এই তালিকাৰ প্ৰথম স্থানত আছে জাষ্টিন লেংগাৰ। লেংগাৰে ২০০৪ চনত ১৬৬ ৰানৰ ইনিংছ খেলিছিল।
শ্ৰীলংকাত অষ্ট্ৰেলিয়ান অপেনাৰৰ সৰ্বোচ্চ স্ক’ৰ
১৬৬- জাষ্টিন লেংগাৰ- কলম্বো- ২০০৪
১৪৭*- উছমান খোৱাজা- গালে- ২০২৫
১৪১- কেপলাৰ ভেছল্ছ- কেণ্ডী- ১৯৮৩
১৩০- মেথিউ হেডেন- গালে- ২০০৪
১৩০- শ্বন মাৰ্ছ- কলম্বো- ২০১৬
