আন এক বিৰল অভিলেখৰ গৰাকী হ’ল বিৰাট কোহলী। ক্ৰিকেটৰ আটাইতকৈ চুটি ফৰ্মেট অৰ্থাৎ টি-২০ ক্ৰিকেটত এটা দলৰ হৈ অংশগ্ৰহণ কৰি ৯০০০তকৈ অধিক ৰান সংগ্ৰহ কৰা প্ৰথমজন খেলুৱৈ হিচাপে পৰিগণিত হৈছে কোহলী।
২৭ মে’ত অনুষ্ঠিত হোৱা আই পি এলৰ ৭০ সংখ্যক মেচত লক্ষ্ণৌ ছুপাৰ জায়েণ্টছৰ বিৰুদ্ধে ২৪ ৰান সম্পূৰ্ণ কৰাৰ লগে লগে কোহলীৰ নামত সংযোজন হয় এই কৃতিত্ব। তেওঁ আৰ চি বিৰ হৈ এইপৰ্যন্ত ৯০৩০ ৰান সংগ্ৰহ কৰিছে।
পুৰুষৰ টি-২০ত এটা দলৰ হৈ সৰ্বাধিক ৰান সংগ্ৰহ কৰা খেলুৱৈ
৯০০৪ ৰান – বিৰাট কোহলী – আৰ চি বি
৬০৬০ ৰান – ৰোহিত শৰ্মা – মুম্বাই ইণ্ডিয়ানছ
৫৯৩৪ ৰান – জেমছ ভিন্স – হেম্পশ্বায়াৰ
৫৫২৮ ৰান – সুৰেশ ৰাইনা – চেন্নাই ছুপাৰ কিংছ
৫৩১৪ ৰান – এম এছ ধোনী – চেন্নাই ছুপাৰ কিংছ
মঙলবাৰে অনুষ্ঠিত হোৱা মেচখনত বিৰাট কোহলীয়ে ৩০টা বলত ৫৪ ৰানৰ বিস্ফোৰক ইনিংছ খেলে। তেওঁৰ ইনিংছটোত আছিল ১০টা চাৰি। আৰ চি বিয়ে মাত্ৰ ১৮.৪ অভাৰতে বিশাল লক্ষ্য অনুসৰণ কৰে। প্ৰথমে বেট ধৰি লক্ষ্ণৌ ছুপাৰ জায়েণ্টছে নিৰ্ধাৰিত ২০ অভাৰত তিনিটা উইকেট হেৰুৱাই ২২৭ ৰান সংগ্ৰহ কৰিছিল। লক্ষ্ণৌৰ হৈ অধিনায়ক ঋষভ পন্তে শতকীয় ইনিংছ খেলে।
ইফালে বিৰাট কোহলী আৰু অধিনায়ক জীতেশ শৰ্মাৰ বিস্ফোৰক অৰ্ধশতকীয় ইনিংছৰ সহায়ত আৰ চি বিয়ে অনায়াসে মেচখনত জয়ী হয়।
