ভাৰত আৰু অষ্ট্ৰেলিয়াৰ মাজত চলি আছে চেম্পিয়নছ ট্ৰফীৰ প্ৰথমখন ছেমি ফাইনেল। ডুবাই আন্তঃৰাষ্ট্ৰীয় ক্ৰিকেট ষ্টেডিয়ামত অনুষ্ঠিত হোৱা মেচখনত কোহলীয়ে এক বিশেষ অভিলেখ গঢ়িবলৈ সক্ষম হয়।
আজিৰ মেচখন খেলিবলৈ খেলপথাৰত নমাৰ লগে লগে অষ্ট্ৰেলিয়াৰ বিৰুদ্ধে ৫০ খন মেচ খেলা তৃতীয়গৰাকী ভাৰতীয় ক্ৰিকেটাৰত পৰিণত হয় কোহলী। অষ্ট্ৰেলিয়াৰ বিৰুদ্ধে সৰ্বাধিক এদিনীয়া খেলা ভাৰতীয় ক্ৰিকেটাৰ হৈছে শচীন তেণ্ডুলকাৰ।
তেণ্ডুলকাৰে অষ্ট্ৰেলিয়াৰ বিৰুদ্ধে খেলিছিল ৭১খন মেচ। আনহাতে ৫৫খন মেচ খেলি এই তালিকাৰ দ্বিতীয় স্থানত আছে মহেন্দ্ৰ সিং ধোনী। আনহাতে ৰোহিতে এতিয়ালৈকে ৪৬খন মেচ খেলিছে।
অষ্ট্ৰেলিয়াৰ বিৰুদ্ধে সৰ্বাধিক এদিনীয়া মেচ খেলা ভাৰতীয় ক্ৰিকেটাৰ
৭১- শচীন তেণ্ডুলকাৰ
৫৫- এম এছ ধোনী
৫০*- বিৰাট কোহলী
৪৬*- ৰোহিত শৰ্মা
৪৫*- ৰবীন্দ্ৰ জাদেজা
উল্লেখ্য যে, আজিৰ মেচখনত অষ্ট্ৰেলিয়াৰ অধিনায়ক ষ্টিভ স্মিথে টছত জয়ী হৈ প্ৰথমে বেটিং কৰাৰ সিদ্ধান্ত লয়। এই মেচখনত ভাৰতৰ মূল একাদশত কোনো ধৰণৰ সালসলনি হোৱা নাই। ইফালে অষ্ট্ৰেলিয়া দলত দুটা সলনি ঘটোৱা হৈছে। আজিৰ মেচখনত মেথিউ শ্বৰ্টৰ ঠাইত কুপৰ কোনৌলী আৰু স্পেন্সাৰ জনচনৰ ঠাইত তনবীৰ জাংঘাক স্থান দিয়া হৈছে।
