ৰাজ্যত বানপানী আৰু গৰাখহনীয়াই তাণ্ডৱ সৃষ্টি কৰি থকাৰ মাজতে জনসাধাৰণৰ বাবে আহিছে এটা ভাল খবৰ। অনুসূচীত জাতি আৰু অনুসূচীত জনজাতিৰ লোকসকলৰ সুবিধাৰ্থে ৰাজ্যিক কেবিনেট বৈঠকত গ্ৰহণ কৰা হৈছে এটা বিশেষ গুৰুত্বপূৰ্ণ সিদ্ধান্ত। বুধবাৰে অনুষ্ঠিত হোৱা কেবিনেট বৈঠকৰ সিদ্ধান্ত অনুসৰি এতিয়াৰ পৰা SC আৰু ST প্ৰাৰ্থীয়ে কোনো নিযুক্তি পৰীক্ষাত দিব নালাগে মাচুল।
আনকি APSC পৰীক্ষাত আবেদন কৰিবলৈও SC আৰু ST প্ৰাৰ্থী সকলে মাচুল পৰিশোধ কৰাৰ প্ৰয়োজন নাই। ইয়াৰ বাবে বিধানসভাত আইন অনা হ’ব বুলি ইতিমধ্যেই ঘোষণা কৰিছে মুখ্যমন্ত্ৰী গৰাকীয়ে।
উল্লেখ্য যে কেবিনেট বৈঠকৰ অন্তত সম্বোধন কৰা সংবাদমেলত এই গুৰুত্বপূৰ্ণ কথা সদৰী মুখ্যমন্ত্ৰী ড০ হিমন্ত বিশ্ব শৰ্মাই।
ড০ শৰ্মাৰ এই ঘোষণাৰ পিছতে ৰাজ্যত সৃষ্টি হৈছে মিশ্ৰিত প্ৰতিক্ৰিয়াৰ। কেবিনেটৰ এই সিদ্ধান্তত একাংশ শিক্ষাৰ্থী আৰু যুৱক-যুৱতী উৎসাহিত হৈ পৰিছে যদিও বহু লোকে ইয়াৰ বিৰোধিতা কৰিছে। নিযুক্তিৰ ক্ষেত্ৰত সকলোৰে মাচুল একে হ’ব লাগে বুলিও মত পোষণ কৰিছে বহু সচেতন লোকে।
