আজিকালি প্ৰায় সকলোৰে হাতত মোবাইল ফোন থাকে। বৰ্তমান সময়ত মোবাইল অবিহনে যেন কোনেও জীয়াই থাকিবয়েই নোৱাৰে, তেনে পৰিস্থিতিৰ সৃষ্টি হৈছে।
ছ’চিয়েল মিডিয়াত বৰ্তমান সমগ্ৰ বিশ্বৰ বাতৰি উপলব্ধ। বহুতে বেছিভাগ সময় ৰিল চাই কটায়। আপুনিও বাৰু সকলো সময়তে ৰিল চাই থাকে নেকি?
মোবাইলৰ নিচা শিশুৰ পৰা প্ৰাপ্তবয়স্কলৈকে সকলোৰে মাজত দেখা পোৱা যায়। কিন্তু সময়ৰ অপচয় হোৱাৰ উপৰিও কামৰ পৰাও মানুহক বিচলিত কৰে। এনে পৰিস্থিতিত আপোনাৰ এই অভ্যাসটো নিয়ন্ত্ৰণ কৰাটো গুৰুত্বপূৰ্ণ। ৰিল চোৱাৰ নিচাৰ পৰা কেনেকৈ মুক্তি পাব পাৰি জানো আহক-
- কামৰ সময়ত ৰিল চাব নালাগে। বহু সময়ত মানুহে কাম কৰি থাকে আৰু মোবাইলত ৰিলো চলি থাকে। এনে পৰিস্থিতিত কাম কৰি থাকোঁতে ইনষ্টাগ্ৰামৰ পৰা লগ আউট কৰা উচিত। এনে কৰিলে আমাৰ কাম সোনকালে সম্পূৰ্ণ হ’ব আৰু ই মোবাইলৰ নিচা কমোৱাতো সহায় কৰিব।
- ঘণ্টাৰ পিছত ঘণ্টা ৰিল চাই থকাৰ পৰিৱৰ্তে আন কামত মনোনিৱেশ কৰিব লাগে। উৎপাদনশীল কাম কিছুমান কৰাৰ লগতে আন কামত মনোনিৱেশ কৰিব লাগে।
- আমি এটা দিন নিৰ্ধাৰণ কৰিব লাগে, যিটো দিনত আমি মোবাইলৰ পৰা সম্পূৰ্ণৰূপে আঁতৰি থাকিব লাগে। এই দিনটোত বন্ধু-বান্ধৱী বা পৰিয়ালৰ সৈতে কিবা এটা পৰিকল্পনা কৰিব লাগে, যাতে ক’ৰবালৈ ওলাই যাব পাৰো। ইয়াৰ ফলত ৰিলৰ নিচা নিয়ন্ত্ৰণত সহায়ক হ’ব আৰু অন্যান্য কামত মনোযোগ কেন্দ্ৰীভূত হ’ব।
