জম্মু-কাশ্মীৰৰ পেহেলগামত সংঘটিত সন্ত্ৰাসবাদী আক্ৰমণৰ পিছৰে পৰা ভাৰত আৰু পাকিস্তানৰ মাজত উত্তেজনাৰ সৃষ্টি হৈছে। দুয়োখন দেশৰ মাজত এই উত্তেজনা প্ৰতিদিনে বাঢ়ি গৈ আছে। ইফালে ভাৰত চৰকাৰে পেহেলগাম আক্ৰমণৰ প্ৰতিশোধ নিশ্চিতভাৱে ল’ব বুলি স্পষ্ট কৰি দিছে।
এই সন্দৰ্ভত দেশৰ ২৪৪খন জিলাত অহা ৭ মে’ত মকড্ৰিল হ’ব।১৯৭১ চনৰ পিছত এয়া প্ৰথম এনে ড্ৰিল। শেহতীয়াকৈ প্ৰধানমন্ত্ৰী মোদীৰ পৰা গৃহমন্ত্ৰী অমিত শ্বাহলৈকে সকলোৱে তিনিজন সেনা প্ৰধানৰ সৈতে সাক্ষাৎ কৰিছে। এই কাৰণেই জম্মু-কাশ্মীৰত মোতায়েন কৰা হৈছে গধুৰ বাহিনী। মক ড্ৰিল সন্দৰ্ভত এখন তালিকা ওলাইছে। য’ত দেশৰ ২৪৪খন জিলাৰ নাম সন্নিবিষ্ট কৰা হৈছে। আজিৰ পৰাই এই জিলাসমূহত সম্পূৰ্ণ প্ৰস্তুতি আৰম্ভ কৰা হৈছে।
এই মক ড্ৰিলৰ সময়ত হ’ব ব্লেকআউট। অৰ্থাৎ আক্ৰমণৰ সময়ত সকলো ঘৰ, কাৰ্যালয় আৰু ৰাজহুৱা স্থানৰ লাইট বন্ধ কৰি দিয়া হ’ব। ইয়াৰ সমান্তৰালকৈ জোৰেৰে ছাইৰেনো বজোৱা হ’ব। ছাইৰেন শুনি মানুহে সজাগ হৈ নিৰাপদ স্থানত উপস্থিত হ’ব লাগিব। এই আক্ৰমণৰ সময়ত নাগৰিকক জীয়াই থাকিবলৈ প্ৰশিক্ষণ দিয়া হ’ব।
কাইলৈ অনুষ্ঠিত হ’বলগীয়া মক ড্ৰিলৰ বাবে আজি (৬ মে’) গৃহ মন্ত্ৰালয়ত এখন বৈঠক চলি আছে। ইয়াত উপস্থিত থাকে ডি জি এন ডি আৰ এফ, ডি জি হোম গাৰ্ড, ডি জি ফায়াৰ। ৰেলৱে আৰু বিমান সুৰক্ষাৰ সৈতে জড়িত বিষয়াসকলো উপস্থিত থাকে। শ্ৰীনগৰত মক ড্ৰিলৰ প্ৰস্তুতি আৰম্ভ কৰিছে এছডিআৰএফে।
অসমৰ ২০ খন জিলাত হ’ব এই মকড্ৰিল-
বঙাইগাঁও, ডিব্ৰুগড়, গোৱালপাৰা, যোৰহাট, শিৱসাগৰ, তিনিচুকীয়া, তেজপুৰ, ডিগবৈ, দুলীয়াজান, গুৱাহাটী, ৰঙিয়া, নামৰূপ, নাজিৰা, উত্তৰ লখিমপুৰ, নুমলীগড়, কাৰ্বি আংলং, কোকৰাঝাৰ, ধুবুৰী, দৰং, গোলাঘাট।
মকড্ৰিল হ’বলগীয়া আন আন জিলাসমূহ –
প’ৰ্ট ব্লেয়াৰ, হায়দৰাবাদ, বিশাখাপট্টনম, আলোগ, ইটানগৰ, টাৱাং, হাউলিং, কোটা, ৰাৱত-ভাটা, আজমেৰ, আলৱাৰ, বাৰমাৰ, ভাৰতপুৰ, বিকানেৰ, বুণ্ডী, গংগানগৰ, হনুমনগড়, জয়পুৰ, জয়শেলমেৰ, যোধপুৰ, উদয়পুৰ, ছিকাৰ, প্লেচেন্টা, চুৰাটগড়, আবু ৰোড, নাচিৰাবাদ, বাৰাউনী, কাটিহাৰ, পাটনা, পূৰ্ণিয়া, চণ্ডীগড়, দুৰ্গ, দদৰা, দমন, দিল্লী… ইত্যাদি।
