ভাৰতীয় প্ৰাক্তন বেটছমেন যুৱৰাজ সিঙে এদিনীয়া আন্তঃৰাষ্ট্ৰীয় খেলত পাকিস্তানী খেলুৱৈ শ্বাহিদ আফ্ৰিদিতকৈ অধিক ৰান সংগ্ৰহ কৰিছে। ২০ জুলাইত অনুষ্ঠিত হ’বলগীয়া ৱৰ্ল্ড চেম্পিয়নশ্বিপ অৱ লিজেণ্ডছ ২০২৫ প্ৰতিযোগিতাত দুয়োগৰাকী খেলুৱৈয়ে পুনৰবাৰ ক্ৰিকেট খেলপথাৰত ইজনে সিজনৰ বিৰুদ্ধে খেলিবলৈ ওলাইছিল।কিন্তু পেহেলগাম সন্ত্ৰাসবাদী আক্ৰমণ আৰু অপাৰেচন সেন্দুৰৰ পিছত ভাৰত আৰু পাকিস্তানৰ মাজত সৃষ্টি হোৱা উত্তেজনাৰ পৰিপ্ৰেক্ষিতত ভাৰতীয় খেলুৱৈসকলে পাকিস্তানৰ সৈতে খেলখন খেলিবলৈ অস্বীকাৰ কৰে।
যুৱৰাজ সিঙে ১৭ বছৰীয়া দীঘলীয়া কেৰিয়াৰত ভাৰতৰ হৈ ৩০৪খন এদিনীয়া মেচ খেলিছে। এই সময়ছোৱাত যুৱৰাজে গড়ে প্ৰায় ৩৭ ৰান কৰি ৮৭০১ ৰান সংগ্ৰহ কৰিছে।এদিনীয়া ক্ৰিকেটত যুৱৰাজৰ সৰ্বোত্তম স্ক’ৰ হৈছে ১৫০ ৰান। এদিনীয়া ক্ৰিকেটত ৫২টা অৰ্ধশতক আৰু ১৪টা শতক অৰ্জন কৰিছে যুৱৰাজে।
পাকিস্তানৰ হৈ ৩৯৮খন এদিনীয়া খেল খেলিছে শ্বাহিদ আফ্ৰিদীয়ে। এই সময়ছোৱাত আফ্ৰিদীয়ে গড়ে প্ৰায় ২৪ ৰান কৰি ৮০৬৪ ৰান সংগ্ৰহ কৰিছে।এদিনীয়া ক্ৰিকেটত আফ্ৰিদিৰ সৰ্বোত্তম স্ক’ৰ হৈছে ১২৪ ৰান। এদিনীয়া ক্ৰিকেটত ৩৯টা অৰ্ধশতক আৰু ৬টা শতক অৰ্জন কৰিছে আফ্ৰিদীয়ে।
এদিনীয়া ক্ৰিকেটত আফ্ৰিদিতকৈ বহু আগবাঢ়ি আছে যুৱৰাজ। যুৱৰাজ সিঙে এদিনীয়াত শ্বাহিদ আফ্ৰিদিতকৈ ৯৪খন মেচ কমকৈ খেলিছে যদিও ইয়াৰ পিছতো যুৱৰাজে আফ্ৰিদিতকৈ ৬৩৭ ৰানত আগবাঢ়ি আছে। যুৱৰাজৰ গড়ো আফ্ৰিদিতকৈ বহু ভাল। ডেৰ শতিকা আৰু শতিকাৰ ক্ষেত্ৰতো যুৱৰাজতকৈ বহু পিছ পৰি আছে আফ্ৰিদি।
