দুৰ্নীতিগ্ৰস্ত বিদ্যালয়ৰ প্ৰধান শিক্ষক তথা কৰ্তৃপক্ষৰ বিৰুদ্ধে সৰৱ হৈছে ৰাজ্যৰ শিক্ষা বিভাগ। যিসমূহ বিদ্যালয়ে শিক্ষাৰ্থীক নিম্নমানৰ ইউনিফৰ্ম যোগান ধৰে তেনেকুৱা বিদ্যালয়ৰ বিৰুদ্ধে সৰৱ হৈছে ৰাজ্যৰ শিক্ষা বিভাগ।
কিয়নো ২০২৫ বর্ষৰ জানুৱাৰী মাহত হ’বলগীয়া গুণোৎসৱত প্ৰথমবাৰলৈ থাকিব ইউনিফৰ্মৰ গুণগত মানদণ্ডৰ ওপৰত অতিৰিক্ত নম্বৰ। লগতে, ইউনিফৰ্মৰ গুণগত মানদণ্ড নিৰূপন কৰাৰ বাবে শিক্ষা বিভাগে নিয়োগ কৰিছে ভিজিলেন্স টিম।
উল্লেখ্য যে, ইউনিফৰ্মক লৈ সময়ে-সময়ে বিতৰ্ক অব্যাহত থাকে। একাংশ লোকে চৰকাৰৰ পৰা টকা লৈ নিম্নমানৰ ইউনিফৰ্ম যোগান ধৰে ছাত্ৰ-ছাত্ৰীক। সেইসমূহ বিদ্যালয়ৰ বিৰুদ্ধে সৰৱ হৈছে শিক্ষা বিভাগ। বহু বিদ্যালয়ৰ পৰিচালনা সমিতিয়ে নিম্ন মানৰ ইউনিফৰ্ম যোগান ধৰাৰ তথ্য টেষ্টিং লেবত পোহৰলৈ আহিছে। যাৰবাবে গ্ৰহণ কৰা হৈছে এই ব্যৱস্থা।
উল্লেখ্য যে, চলিত বৰ্ষৰ গুণোৎসৱত সামৰি লোৱা হ’ব ৩৫ খন জিলাৰ ৪৫ হাজাৰ বিদ্যালয়ৰ ৪৩ লাখ ২৩ হাজাৰ ছাত্ৰ-ছাত্ৰী। ৬ জানুৱাৰীৰ পৰা আৰম্ভ হ’বলগীয়া গুণোৎসৱ হ’ব তিনিটা পৰ্যায়ত। প্ৰথম পৰ্যায়ত ৰাজ্যৰ ১১খন জিলাক সামৰি লোৱা হ’ব । দ্বিতীয় পৰ্যায়ত সামৰি লোৱা হ’ব ১৩ খন জিলাক আৰু অন্তিম পৰ্যায়ৰ গুণোৎসৱে সমৰি ল’ব ১১ খন জিলাক।
