বৃহস্পতিবাৰে কেন্দ্ৰীয় তথ্য আৰু সম্প্ৰচাৰ মন্ত্ৰী অশ্বিনী বৈষ্ণৱে মিজোৰামৰ ৰাজধানী আইজলত ‘আপনা ৰেডিঅ’ ৯০.০ এফএম’ ষ্টেচন উদ্বোধন কৰে। উদ্বোধনী অনুষ্ঠানত উপস্থি থাকে কেন্দ্ৰীয় তথ্য আৰু প্ৰযুক্তি ৰাজ্যিক মন্ত্ৰী ড০ এল মুৰুগান আৰু মিজোৰামৰ মুখ্যমন্ত্ৰী লালডুহোমা। উদ্বোধন কৰা ৰেডিঅ’ ষ্টেচনটো ভাৰতৰ ৫০০ তম কমিউনিটি ৰেডিঅ’ ষ্টেচন হিচাপে উদ্বোধন কৰা হৈছে।
উদ্বোধন কৰা ‘আপনা ৰেডিঅ’ ৯০.০ এফএম’ ষ্টেচনটো হৈছে ইণ্ডিয়ান ইনষ্টিটিউট অফ মাচ কমিউনিকেশ্বন, আইজলৰ দ্বাৰা পৰিচালিত এটা ষ্টেচন।
ৰেডিঅ’ ষ্টেচনটো উদ্বোধন কৰি বৈষ্ণৱে কয়, আপনা ৰেডিঅ’ ষ্টেচনে মানুহৰ জীৱনত এক গুৰুত্বপূৰ্ণ পৰিৱৰ্তন আনিব।
আনহাতে, মিজোৰামৰ মুখ্যমন্ত্ৰীয়ে সমবেত লোকসকলক সম্বোধন কৰি কয়, আইআইএমচি আইজলৰ আপনা ৰেডিঅ’ ষ্টেচনে ৰাজ্যখনৰ বাবে যোগাযোগৰ এক নতুন অধ্যায় ৰচনা কৰিব। বিশেষকৈ কৃষক সম্প্ৰদায়ৰ বাবে এটা সামূহিক ৰেডিঅ’ কেন্দ্ৰ স্থাপন কৰাটো যথেষ্ট লাভজনক হ’ব। যি তেওঁলোকক দৈনিক বতৰৰ আপডেট, চৰকাৰী আঁচনি আৰু কৃষি সম্পৰ্কীয় তথ্য প্ৰদান কৰিব। তেওঁ এই প্ৰকল্পটোক বাস্তৱত পৰিণত কৰাৰ ক্ষেত্ৰত আই এণ্ড বি মন্ত্ৰালয়ক প্ৰশংসা কৰে।
ইফালে, কেন্দ্ৰীয় ৰাজ্যিক মন্ত্ৰী ড০ এল মুৰুগানে আলোচনা কৰি কয়, ব্যক্তিগত ৰেডিঅ’ চেনেলসমূহৰ বাণিজ্যিক প্ৰকৃতিৰ বিপৰীতে তথ্য যোগাযোগৰ বাবে এই ৰেডিঅ’ কেন্দ্ৰ স্থাপন কৰা হৈছে। তেওঁ লগতে কয়, প্ৰাকৃতিক দুৰ্যোগৰ সময়ত এই ষ্টেচনসমূহৰ ভূমিকা যথেষ্ট বৃদ্ধি পাব।
আনহাতে, অনুষ্ঠানটোত উপস্থিত থকা তথ্য আৰু প্ৰযুক্তি মন্ত্ৰালয়ৰ সচিব সঞ্জয় জাজুৱে কয়, তথ্য সম্পৰ্কীয় কৃষি, কৃষক কল্যাণৰ বাবে চৰকাৰী আঁচনি, বতৰৰ তথ্য আদি প্ৰচাৰত সামূহিক অনাতাঁৰ কেন্দ্ৰসমূহে গুৰুত্বপূৰ্ণ ভূমিকা পালন কৰে।
এই ৰেডিঅ’ ষ্টেচনৰ স্থানীয় উপভাষা আৰু আঞ্চলিক ভাষাত বাতৰি দিয়া হ’ব।
আইআইএমচিৰ উপাচাৰ্য ড০ অনুপমা ভাটনাগৰে কয় যে, ‘আপনা ৰেডিঅ’ ৯০.০ এফএম’ উদ্বোধন মিজোৰামৰ ইতিহাসৰ এক নতুন অধ্যায়। যিয়ে আলোচনাৰ জৰিয়তে সম্প্ৰদায়সমূহক একত্ৰিত কৰিব, স্থানীয় সংস্কৃতি প্ৰদৰ্শন কৰিব, নাগৰিকসকলক প্ৰচাৰ আৰু সৱলীকৰণ কৰিব।
