ছিংগাপুৰত জনপ্ৰিয় কণ্ঠশিল্পী জুবিন গাৰ্গৰ আকস্মিক মৃত্যুৰ পিছত তেওঁৰ সকলো অনুৰাগী শোকত ভাঙি পৰিছে। পিছে অসমীয়াৰ হিয়াৰ আমঠু জুবিন গাৰ্গক কিয় ছিংগাপুৰৰ লেজাৰ দ্বীপলৈ লৈ যোৱা হ’ল, সেই লৈ বহু প্ৰশ্ন উত্থাপন হৈছে।
জানো আহক ছিংগাপুৰৰ লেজাৰ দ্বীপৰ কিছু ৰহস্য, ইতিহাস তথা কিংবদন্তি কাহিনী-
ছিংগাপুৰৰ দক্ষিণ উপকূলৰ ওচৰৰ সৰু দ্বীপ লেজাৰ দ্বীপটো দিনত শান্তিপূৰ্ণ যেন লাগে, এই দ্বীপটোৰ সৈতে বহু কাহিনী জড়িত হৈ আছে। এই দ্বীপটোৰ সৈতে পৃথকীকৰণ, কোৱাৰেণ্টাইন, দুৰ্যোগৰ সৈতে ওতঃপ্ৰোত সম্পৰ্ক আছে।
১৯ শতিকাৰ সময়ছোৱাত ৰোগৰ প্ৰাদুৰ্ভাৱৰ সময়ত ই এক কোৱাৰেণ্টাইন এলেকা আছিল, য’ত অগণন ৰোগীক পৃথক কৰি ৰখা হৈছিল। পিছে সেই ৰোগীসকলক আৰু কেতিয়াও দেখা পোৱা যোৱা নাছিল। ইয়াৰ উপৰিও ই ছিংগাপুৰৰ কাৰাগাৰৰ নেটৱৰ্কৰ অংশ হৈ পৰিছিল, আফিং আসক্তসকলক ঠাই দিছিল আৰু ১৯০০ চনৰ আৰম্ভণিতে এই ঠাইত বিধ্বংসী অগ্নি সংযোগ হৈছিল। ২০১৬ চনৰ ভিতৰত চূড়ান্ত স্থায়ী বাসিন্দাসকল এই ঠাই এৰি গুচি গৈছিল আৰু দ্বীপটোৰ বহুলাংশে নিৰ্জন হৈ পৰিছিল।
আনকি বৰ্তমানৰ ছিংগাপুৰৰ স্থানীয় বাসিন্দাসকলেও বছৰ বছৰ ধৰি এই ঠাইত মানুহ নিৰুদ্দেশ হোৱা আৰু ডুব যোৱাৰ কথা উল্লেখ কৰি সেই ঠাই অৱসৰ বিনোদনৰ পৰাও এৰাই চলিছে।
উল্লেখ্য যে, ২০১৯ৰ ক’ভিড-১৯ সংক্ৰমণৰ সময়ত ছিংগাপুৰৰ লেজাৰ দ্বীপটো কোৱাৰেণ্টাইন স্থান আছিল আৰু ইয়াক কবৰস্থান হিচাপে ব্যৱহাৰ কৰা হৈছিল। এই ঠাইখনক ভৌতিক ঠাই বুলিও বহুতে কয়। সেই সাগৰৰ পানীত কিবা এটা আছে বুলি একাংশই দাবী কৰে।
লেজাৰ দ্বীপটো অতি সুন্দৰ আৰু দিনৰ সময়ত এই ঠাই অতি মনোমোহা হৈ থাকে। কিন্তু নিশা হলেই এই দিবীপ ৰহস্যময় হৈ পৰে বুলি বহুতে কয়।দিনৰ ভালপোৱাই যেন লুকুৱাই ৰাখিছে এক অশান্ত ইতিহাস।
