নাগ পঞ্চমীক হিন্দু ধৰ্মৰ অন্যতম পবিত্ৰ উৎসৱ হিচাপে গণ্য কৰা হয়। এই উৎসৱ কেৱল ভাৰততেই নহয় নেপাল আৰু দক্ষিণ এছিয়াৰ আন দেশসমূহতো অতি উৎসাহেৰে উদযাপন কৰা হয়।
এই উৎসৱত সকলো শিৱ ভক্তই নাগ দেৱতাৰ উপাসনা কৰে। নাগ পঞ্চমীত সৰ্প দেৱতাৰ উপাসনা কৰা হয়। প্ৰতি বছৰে শাওন মাহৰ পঞ্চমী তিথিত নাগ পঞ্চমী পালন কৰা হয়।
এই বছৰত নাগ পঞ্চমী উৎসৱ আগষ্ট মাহৰ ৯ তাৰিখে উদযাপন কৰা হ’ব। বিশ্বাস কৰা হয় যে নাগ পঞ্চমীৰ দিনা সৰ্পক উপাসনা কৰিলে জীৱই সকলো ধৰণৰ ত্ৰুটিৰ পৰা মুক্তি লাভ কৰে।
বিশেষকৈ যিসকলৰ ৰাশিফলত কালসৰ্প দোষ আছে তেওঁলোকৰ বাবে নাগ পঞ্চমীৰ দিনটো অতি গুৰুত্বপূৰ্ণ। কাল সৰ্পদোষত ভুগি থকা লোকসকলে জীৱনৰ প্ৰতিটো ক্ষেত্ৰত যথেষ্ট সংগ্ৰাম কৰিব লগা হয়।
ইয়াৰ বাহিৰেও ৰাহু-কেতুৰ বাবে যদি জীৱনত কিবা অসুবিধাৰ সৃষ্টি হয়। তেতিয়া নাগ পঞ্চমীৰ দিনা সাপৰ উপাসনা কৰিলে এই ৰাহু-কেতুৰ বেয়া প্ৰভাৱ হ্ৰাস পায়।
জ্যোতিষশাস্ত্ৰ অনুসৰি, যেতিয়া ৰাহু আৰু কেতুৰ মাজত সকলো গ্ৰহ অৱস্থিত হৈ থাকে। তেতিয়া ইয়াক কালসৰ্প দোষ বুলি গণ্য কৰা হয়। বিশ্বাস অনুসৰি, এই দোষে মানুহৰ জীৱনত বহুতো সমস্যাৰ সৃষ্টি কৰিব পাৰে। যেনে সম্পদত বাধা দিয়া, বিবাহত বাধা, সন্তান-প্ৰাপ্তিত অসুবিধা, স্বাস্থ্যৰ সমস্যা, চাকৰিৰ সমস্যা ইত্যাদি।
কালসৰ্প দোষ পৰিহাৰ কৰিবলৈ নাগ পঞ্চমীৰ দিনা গ্ৰহণ কৰক এই ৫ প্ৰতিকাৰ-
- জ্যোতিষশাস্ত্ৰ অনুসৰি কালসৰ্প দোষ আঁতৰ কৰিবলৈ নাগ পঞ্চমীৰ দিনা ঘৰৰ দুৱাৰত সাপৰ আকৃতি বনাই তাত ঘিউ অৰ্পণ কৰিব লাগে। ইয়াৰ পাছত নাগৰাজৰ ১২ টা নাম উচ্চাৰণ কৰিব লাগে। সেইকেইটা হ’ল- অনন্ত, বাচুকী, শেষ, পদ্ম, কামবল, কৰ্কোটক, অশ্বতৰ, ধৃতৰাষ্ট্ৰ, শংখপাল, কালিয়া, তক্ষক আৰু পিংগল।
- হিন্দু ধৰ্মত গোবৰক অতি পবিত্ৰ বুলি গণ্য কৰা হয়। নাগ পঞ্চমীৰ দিনা ঘৰৰ মুখ্য দুৱাৰত গোবৰেৰে সৰ্প আকৃতিৰ বনাই পূজা কৰিলে কালসৰ্প দোষ আঁতৰ হয়।
- হিন্দু ধৰ্মত গায়ত্ৰী মন্ত্ৰক মহামন্ত্ৰ বুলি কোৱা হয়। কেৱল এই মন্ত্ৰৰ জপ কৰাৰ ফলত সকলো দুখ আঁতৰ হয়। কালসৰ্প দোষ আঁতৰাবলৈ আপুনি নাগ পঞ্চমীৰ দিনা নাগ দেৱতা আৰু ভোলানাথৰ উপাসনা কৰা উচিত। ইয়াৰ পিছত গায়ত্ৰী মন্ত্ৰ উচ্চাৰণ কৰিব লাগে।
- যদি আপোনাৰ ৰাশিফলত কালসৰ্পৰ দোষ আছে তেন্তে নাগ পঞ্চমীৰ দিনা এযোৰ ৰূপৰ সৰ্প বনাই ইয়াক উপাসনা কৰিব লাগে। তাৰ পাছত ইয়াত কেঁচা গাখীৰ আৰু ফুল আগবঢ়াব। এইটোৱে কালসৰ্প দোষৰ প্ৰভাৱ যথেষ্ট হ্ৰাস কৰে।
- নাগ পঞ্চমীৰ দিনা আঠটা সৰ্পক উপাসনা কৰাৰ নিয়ম আছে কিন্তু মনত ৰখা উচিত যে, সৰ্প দেৱতাক উপাসনা কৰাৰ আগতে ভগৱান শিৱক উপাসনা কৰা উচিত। কিয়নো সৰ্প দেৱতা ভগৱান শিৱৰ ডিঙিত বহি থাকে। যি শিৱৰ অতি প্ৰিয়।
