২০২৬ চনৰ টি-২০ বিশ্বকাপ জয় কৰি ক্ৰিকেট ইতিহাসত আন এক সোণালী অধ্যায় সংযোজন কৰিছে ভাৰতে। আহমেদাবাদৰ নৰেন্দ্ৰ মোদী ষ্টেডিয়ামত খেলা ফাইনেলত নিউজিলেণ্ডক ৯৬ ৰানত পৰাস্ত কৰি টি-২০ বিশ্বকাপৰ ট্ৰফী তৃতীয়বাৰৰ বাবে তুলিবলৈ সক্ষম হয় টীম ইণ্ডিয়াই।
ইফালে ভাৰতীয় বেটছমেন ঈশান কিষানৰ এখন ফটো ছ’চিয়েল মিডিয়াত ক্ষন্তেকতে ভাইৰেল হৈ পৰে। ফটোখনত তেওঁক এগৰাকী যুৱতীৰ অতি ওচৰত দেখা গৈছে, যাৰ ফলত অনুৰাগীৰ মাজত এই “ৰহস্যময়ী যুৱতী” কোন সেই লৈ বিতৰ্কৰ সৃষ্টি হৈছিল।
আচলতে এই ৰহস্যময়ী যুৱতীগৰাকী আন কোনো নহয় ঈশান কিষানৰ প্ৰেমিকা অদিতি হুণ্ডিয়া। ৰাজস্থানৰ জয়পুৰৰ এগৰাকী ফেশ্বন মডেল আৰু উদ্যোগী অদিতি। ২০১৭ চনত ফেমিনা মিছ ইণ্ডিয়া প্ৰতিযোগিতাত চূড়ান্ত প্ৰতিযোগী হোৱাৰ পিছত ২০১৮ চনত মিছ ডিভা ছুপ্ৰানেচনেল খিতাপ জয় কৰি শিৰোনাম দখল কৰে।
মডেলিঙৰ উপৰিও অদিতি হুণ্ডিয়াই ছ’চিয়েল মিডিয়াতো অতি সক্ৰিয় আৰু কেইবাটাও ডাঙৰ ব্ৰেণ্ডৰ সৈতে কাম কৰি আহিছে। ফেশ্বন আৰু লাইফষ্টাইল উদ্যোগত নিজৰ বাবে এটা নিৰ্দিষ্ট স্থান খোদিত কৰিছে।
ঈশান কিষাণ আৰু অদিতি হুণ্ডিয়াৰ সম্পৰ্কক লৈ কেইবাবছৰ ধৰি চৰ্চা চলি আহিছে। প্ৰায়ে ষ্টেডিয়ামত ঈশানক সমৰ্থন কৰা দেখা গৈছে। বিশেষকৈ আই পি এলৰ সময়ত কেমেৰাবোৰে প্ৰায়ে তেওঁৰ ওপৰত গুৰুত্ব আৰোপ কৰি আহিছে, যাৰ ফলত অনুৰাগীয়ে তেওঁক ছ’চিয়েল মিডিয়াত “মিষ্ট্ৰী ফেন গাৰ্ল” বুলি অভিহিত কৰিছে।
ফাইনেলত প্ৰথমে বেটিং কৰি ভাৰতে সৰ্বমুঠ ২৫৫ ৰান সংগ্ৰহ কৰে। দলৰ হৈ বিস্ফোৰক বেটিং কৰা ঈশান কিষানে মাত্ৰ ২৫টা বলত ৫৪ ৰান সংগ্ৰহ কৰে। সঞ্জু চেমচন আৰু অভিষেক শৰ্মাইও উজ্জ্বল অৰ্ধশতক অৰ্জন কৰে। ভাৰতে ৯৬ ৰানত জয়লাভ কৰে। এই জয়ৰ জৰিয়তে টিম ইণ্ডিয়াই তৃতীয়বাৰৰ বাবে টি-২০ বিশ্বকাপৰ ট্ৰফী লাভ কৰিবলৈ সক্ষম হৈছে।
