ঘৰুৱা ক্ৰিকেটৰ এখন মেচত সৰফৰাজ খানে ৰচিলে ইতিহাস। ইৰাণী কপত মুম্বাইৰ হৈ খেলা সৰফাজ খানে দ্বিশতক অৰ্জন কৰিছে। সৰফৰাজে দ্বিশতক অৰ্জন কৰাৰ বাবে ৭৯.১ ষ্ট্ৰাইক ৰেটৰ সহায়ত ২৫৩ টা বলৰ সন্মুখীন হয়।
প্ৰসিদ্ধ কৃষ্ণাৰ বলত এক ৰান সংগ্ৰহ কৰি দ্বিশতক অৰ্জন কৰাৰ লগে লগে সৰফৰাজে এক ডাঙৰ অভিলেখ গঢ়িবলৈ সক্ষম হয়।
উল্লেখ্য যে, ইৰাণী কাপৰ ইতিহাসত সৰফৰাজ খানৰ পূৰ্বে মুম্বাইৰ কোনো ক্ৰিকেটাৰ দ্বিশতক অৰ্জন কৰিব পৰা নাছিল।
১৯৬০ চনত ইৰানী কাপ আৰম্ভ হোৱাৰ পাছৰে পৰা মুম্বাই (পূৰ্বৰ বম্বে)এ মুঠ ১৩ বাৰ খিতাপ দখল কৰিছে। কিন্তু এই সময়ছোৱাত মুম্বাইৰ কোনো ক্ৰিকেটাৰে দ্বিশতক অৰ্জন কৰিবলৈ সক্ষম হোৱা নাছিল। সৰফৰাজ হৈছে মুম্বাইৰ প্ৰথমজন ক্ৰিকেটাৰ।
নিজৰ ইনিংছৰ সময়ছোৱাত সৰফৰাজ খানে ইৰাণী কাপৰ ইতিহাসত মুম্বাইৰ হৈ সৰ্বাধিক স্ক’ৰ কৰাৰো অভিলেখ গঢ়ে। ইয়াৰ পূৰ্বে ১৯৭২ চনত ১৯৫ ৰান সংগ্ৰহ কৰা ৰামনাথ পাৰ্কাৰৰ নামত আছিল এই অভিলেখ।
ইয়াৰ লগে লগে সৰফৰাজে আন এক বিশেষ তালিকাত যোগদান কৰিছে। ইৰাণী কাপত দ্বিশতক অৰ্জন কৰা আটাইতকৈ কম বয়সীয়া বেটছমেনৰ তালিকাত চতুৰ্থ স্থানত আছে সৰফৰাজে। সৰফৰাজ খানৰ পিছতে যশস্বী জয়ছৱাল (২১ বছৰ আৰু ৬৩ দিন), প্ৰবীণ আমৰে (২২ বছৰ আৰু ৮০ দিন) আৰু গুণ্ডপ্পা বিশ্বনাথ (২৫ বছৰ আৰু ২৫৫ দিন)।
