ভাৰতৰ ৫টা স্থানে কঁপাই তুলিব আপোনাৰ মন। এক ভৌতিক আভাস পোৱা যায় এইকেইটা স্থান। ভাৰতৰ ৫টাকৈ স্থান অতি ভয়লগা। এইকেইটা স্থানক লৈ আছে নানান ভৌতিক কাহিনী। জনপ্ৰবাদ অনুসৰি এই স্থানত প্ৰায়ে সংঘটিত হয় অলৌকিক ঘটনা। ভুত-প্ৰেতে বাস কৰে বুলি চৰ্চা চলে এইকেইটা স্থানত। আপুনি যদি কেতিয়াবা এই স্থানলৈ গৈ সেই স্থানত বাস কৰা লোকক প্ৰশ্ন কৰে তেন্তে শুনিবলৈ পাব ভয়াৱহ কিছুমান কাহিনী।
ৰাজস্থানৰ ভানগড় কিল্লা আটাইতকৈ ভয়াৱহ স্থান হিচাপে চিহ্নিত হৈ আহিছে। এই স্থানৰ কাহিনী শুনিলেই পৰ্যটক কঁপি উঠে। সূৰ্যাস্তৰ পিছত এই ভানগড় কিল্লালৈ যাবলৈ অনুমতি লাভ নকৰে পৰ্যটকে। প্ৰবাদ অনুসৰি হাজাৰ বছৰ পূৰ্বে এই স্থানৰ ৰাজকুমাৰীক আপোন কৰি ল’বলৈ ক’লা যাদুৰ সহায় লৈছিল এজন লোকে। ৰাজকুমাৰীয়ে এই কথা জানিব পাৰি লোকজনক হত্যা কৰিছিল। মৃত্যুৰ পূৰ্বে লোকজনে শাও দি গৈছিল এই কিল্লাটোক। সেই সময়ৰ পৰাই এই ভানগড় কিল্লা এতিয়া হৈ পৰিছে পৰিত্যক্ত।
১৮৭০ দশকত মুকেশ কাপোৰৰ ফেক্টৰীৰ কথা আপোনালোকৰ মনত আছে চাগে। এই কাপোৰৰ ফেক্টৰীটো স্থাপনা কৰিছিল ইষ্ট ইণ্ডিয়া কোম্পানীয়ে। কিন্তু এদিন হঠাতে অগ্নিকাণ্ড সংঘটিত হৈ ছাই হৈ পৰিছিল মুকেশ টেক্সটাইল মিল। অগ্নিকাণ্ডৰ ঘটনাৰ পিছতে ফেক্টৰীটো অলৌকিক ঘটনা সংঘটিত হৈ আহিছে বুলি মন্তব্য কৰিছে বহু চিনেমাৰ পৰিচালকে। সেয়ে মুকেশ কাপোৰৰ উদ্যোগৰ ভিতৰত দৃশ্যগ্ৰহণ কৰিবলৈ সংকোচ কৰে পৰিচালকে।
পুনেৰ শনিবাৰখাড়া কিল্লাও পৰ্যটকৰ বাবে ভয়ানক স্থান। প্ৰবাদ আছে যে পূৰ্ণিমাৰ নিশা অলৌকিক ঘটনা সংঘটিত হয়। লোকপ্ৰবাদ অনুসৰি এই কিল্লাত নৃশংসভাবে হত্যা কৰা হৈছিল ৰাজকুমাৰক। এই ঘটনাৰ পিছতে ৰাজকুমাৰৰ আত্মাই সেই কিল্লাত বিচৰণ কৰে বুলি আছে জনপ্ৰবাদ।
গুজৰাটৰ ডুমাছ সাগৰীয় উপকূল এক ভয়ৰ স্থান। আৰব সাগৰৰ সমীপত থকা এই বিছ পৰ্যটকৰ বাবে অতি ভয়াৱহ স্থান বুলি প্ৰবাদ আছে। এই উপকূললৈ অহা পৰ্যটকে কাণৰ কাষত কোনোবাই ফুচফুচাই কথা কয় বুলি প্ৰবাদ আছে। নিশা এই উপকূলৰ পৰা ৰহস্যজনকভাবে বহু লোক সন্ধানহীন হৈ পৰে বুলিও প্ৰবাদ আছে।
