দক্ষিণ আফ্ৰিকাৰ ক্ৰিকেট দলৰ অধিনায়ক এডেন মাৰ্কৰামে ৰচিছে ইতিহাস। ১০ বছৰৰ পাছত এছিয়াত টেষ্ট মেচ জয়ী হোৱা দক্ষিণ আফ্ৰিকাৰ অধিনায়ক হিচাপে পৰিগণিত হৈছে মাৰ্কৰাম।
ঢাকাত অনুষ্ঠিত টেষ্টত বাংলাদেশক পৰাস্ত কৰি তেওঁ এই বিশেষ কৃতিত্ব অৰ্জন কৰে। শৃংখলাৰ প্ৰথমখন মেচ ২১ অক্টোবৰৰ পৰা শ্বেৰে বাংলা নেচনেল ক্ৰিকেট ষ্টেডিয়ামত অনুষ্ঠিত হয়। য’ত আফ্ৰিকান দলটোৱে ৭ উইকেটত জয়লাভ কৰিবলৈ সক্ষম হয়।
খেলখনৰ নায়ক আছিল আফ্ৰিকান উইকেটকীপাৰ বেটছমেন কাইল ভেৰিন। প্ৰথম ইনিংছত আফ্ৰিকান দলৰ বেটছমেনসকলে বাংলাদেশী বলাৰৰ বিৰুদ্ধে ৰানৰ বাবে সংগ্ৰাম কৰিবলগীয়া হৈছিল।
ইয়াৰ বিপৰীতে সপ্তম স্থানত বেটিং কৰিবলৈ অহা ভেৰিনে ১৪৪ বলত ১১৪ ৰানৰ গুৰুত্বপূৰ্ণ শতকীয় ইনিংছ খেলে। এই ইনিংছৰ সময়ত তেওঁৰ বেটৰ পৰা আহে ৮টা চাৰি আৰু ২টা ছয়।
ভেৰিনৰ ইনিংছৰ সহায়তে আফ্ৰিকা দলে প্ৰথম ইনিংছত বৃহত অগ্ৰগতি লাভ কৰিবলৈ সক্ষম হয়। মেচখনত দেখুওৱা সুন্দৰ প্ৰদৰ্শনৰ বাবে তেওঁক প্লেয়াৰ অৱ দ্যা মেচৰ সন্মাৰে সন্মানিত কৰা হয়।
আফ্ৰিকান দলটোৱে দ্বিতীয় ইনিংছত ১০৬ ৰানৰ সহজ লক্ষ্য লাভ কৰিছিল। যিটো দলটোৱে ২২ অভাৰত ৩টা উইকেট হেৰুৱাই সহজেই উপনীত হয়।
